توقسانىنشى جىلداردان باستاپ ەلدەگى قانت قىزىلشاسى القابى 85 مىڭ گەكتاردان 11،6 مىڭ گەكتارعا دەيىن تومەندەگەن. بۇل تۋرالى ق ر اۋىل شارۋاشىلىعى ۆيسە-مينيسترى ءابىلقايىر تامابەك ايتتى، دەپ حابارلايدى almaty-akshamy.kz
«يمپورتقا تاۋەلدىلىكتىڭ جوعارى بولۋىنا بايلانىستى قانت سالاسىن دامىتۋ ماسەلەسى وزەكتى بولىپ وتىر. اۋىل شارۋاشىلىعى تاۋارىن وندىرۋشىلەردىڭ شاعىن بولۋى، يمپورتتىق تۇقىم قۇنىنىڭ قىمباتتىعى، فەرمەرلەردىڭ جەتكىلىكتى تەحنيكالىق جاراقتانباۋى جانە سۋمەن قامتاماسىز ەتۋ پروبلەمالارىنا بايلانىستى 90-جىلداردان باستاپ قانت قىزىلشاسىنىڭ ەگىس القابى 85 مىڭ گەكتاردان 11،6 مىڭ گەكتارعا دەيىن تومەندەگەن. تالداۋ كورسەتكەندەي، باسقا داقىلداردى (مىسالى كارتوپ، جۇگەرى) ءوسىرۋدىڭ تيىمدىلىگى قانت قىزىلشاسىنا قاراعاندا بىرنەشە ەسە جوعارى»، - دەيدى ءا. تامابەك ۇكىمەتتىڭ بۇگىنگى وتىرىسىندا.
ۆيسە-مينيستردىڭ ايتۋىنشا، رەسپۋبليكا بويىنشا جىلىنا 532 مىڭ توننا قانت تۇتىنىلادى، ونىڭ ىشىندە وتاندىق شيكىزات، ياعني قانت قىزىلشاسى ەسەبىنەن قامتاماسىز ەتۋ دەڭگەيى 7%-دى، وتاندىق زاۋىتتاردىڭ قۇراق قانتىن وڭدەۋ ەسەبىنەن – 35%-دى قۇرايدى، 58% قانت يمپورتقا تيەسىلى.
«دەگەنمەن، ەلىمىزدە قانت سالاسىنىڭ تابىستى دامۋى ءۇشىن نەگىزگى العىشارتتار بار، ولار – سۋارمالى جەرلەردىڭ بولۋى، ىشكى نارىقتىڭ ۇلكەن سىيىمدىلىعى، قاجەتتىلىكتى قامتاماسىز ەتۋگە قابىلەتتى جۇمىس ىستەپ تۇرعان 4 زاۋىتتىڭ جۇكتەۋ قۋاتىنىڭ تولىق پايدالانىلماۋى جانە جۇمىس كۇشىنىڭ بولۋى. الايدا، تەحنولوگيالىق جابدىقتاردىڭ توزۋىنا، زاۋىتتاردىڭ نەسيەلەرىنىڭ كوپتىگىنە جانە اينالىم قاراجاتىنىڭ تاپشىلىعىنا، كورشى ەلدەر قولداناتىن باعا دەمپينگىنە بايلانىستى وتاندىق زاۋىتتاردىڭ جۇكتەمە قۋاتى تومەن بولىپ وتىر»، - دەيدى ق ر اشم وكىلى.