الەۋمەتتىك جەلىلەر مەن مەسسەندجەرلەردە قازاقستاندىقتار بالاباقشادا جۇرگىزىلىپ جاتقان سانيتارلىق وڭدەۋ بارىسى كورسەتىلگەن بەينەجازبامەن بولىسۋدە. كادرلاردان ونىڭ قاي بالاباقشادا، قالادا نەمەسە ەلدە تۇسىرىلگەنىن انىقتاۋ مۇمكىن ەمەس. ءبىراق قازاقستاندىق ءبىلىم بەرۋ مەكەمەلەرىندە دەنساۋلىققا ءقاۋىپتى زاتتار شاشپايدى، دەپ حابارلايدى اlmaty-akshamy.kz stopfake.kz سىلتەمە جاساپ.
ەلىمىزدىڭ بالاباقشالارى مەن مەكتەپتەرىندە جۇرگىزىلەتىن سانيتارلىق وڭدەۋ بالالار ءۇشىن زيانسىز، دەپ حابارلادى ق ر دسم سانيتارلىق-ەپيدەميولوگيالىق باقىلاۋ كوميتەتىنەن.
– بارلىق بالاباقشالار مەن مەكتەپتەر مەملەكەتتىك باقىلاۋدان وتكەن جانە قازاقستان رەسپۋبليكاسىنىڭ اۋماعىندا قولدانۋعا رۇقسات ەتىلگەن سەرتيفيكاتتالعان پرەپاراتتارمەن عانا دەزينفەكسيالانادى. ولاردىڭ بارلىعى بەكىتىلگەن نۇسقاۋلىققا سايكەس قولدانىلادى. بۇل زاتتار ءقاۋىپسىز، – دەپ مالىمدەدى ۆەدومستۆونىڭ رەسمي وكىلى ەرجان بايتانايەۆ.
جەلى قولدانۋشىلارى قوعامدىق ورىنداردا ۋلى زاتتار شاشۋ تۋرالى قاۋەسەتتەردى بۇعان دەيىن دە تاراتقان. ءبىز ونداي حابارلامالاردى جوققا شىعاردىق.