ماسادان قورعانۋ ءۇشىن قالاي كيىنگەن دۇرىس؟
ۆاشينگتون ۋنيۆەرسيتەتىنىڭ ءبىر توپ بيولوگى ماسالارعا قىزىل، قىزعىلت-سارى جانە قارا ءتۇستىڭ رەڭكتەرى ۇنايتىنىن انىقتادى، دەپ حابارلايدى Almaty-akshamy.kz Elorda.info-عا سىلتەمە جاساپ.
ال قاناتتى قانسورعىشتار جاسىل، كۇلگىن، كوك جانە اق ءتۇستىڭ رەڭكتەرىنە قىزىقپايتىن بولىپ شىقتى.
ولاردان قورعانۋ ءۇشىن عالىمدار دەنەنى تولىقتاي جاۋىپ تۇراتىن كيىمدەر كيۋگە كەڭەس بەرەدى. ويتكەنى ماسالارعا ادام دەنەسىنىڭ ءتۇسى قىزعىلت-سارى رەڭكتە كورىنەدى.
قۇربانىن ىزدەپ جۇرگەن ماسالار تەك سىرتقى تۇسكە نازار اۋدارىپ قويمايدى. اۋەلى ولار قۇرباننىڭ ورنالاسقان جەرىن اۋاداعى كومىرقىشقىل گازىنىڭ شەكتەن تىس ارتۋىنا قاراپ انىقتايدى. ودان سوڭ دەنەنىڭ جىلۋى مەن ادام تەرىنىڭ قۇرامىندا بولاتىن ءسۇت قىشقىلىنىڭ مولەكۋلالارىنا قاراپ جول اجىراتادى دا، ءارى قاراي شاعاتىن جەردى تاڭدايدى.