برازيليانىڭ وڭتۇستىگىندەگى تاسقىن سالدارىنان كوز جۇمعاندار سانى 29 ادامعا جەتتى. بۇل تۋرالى جەرگىلىكتى بيلىككە سىلتەمە جاساعان نيۋ-يورك تايمس باسىلىمى حابارلاعان.
تاعى 60 كىسى ءىز-تۇسسىز جوعالىپ كەتكەن. تابيعي اپاتقا بايلانىستى ريۋ-گراندي-دۋ-سۋل شتاتىندا توتەنشە جاعداي جاريالاندى. 10 مىڭعا جۋىق تۇرعىن باسپاناسىز قالىپ، جۇزدەگەن كوپىر مەن جول قيراعان. كەيبىر ەلدى مەكەندەر جارىقسىز وتىر.
ەل پرەزيدەنتى لۋيس يناسيۋ دا سيلۆا تاسقىن جايلاعان ايماققا باردى.
پەدرو كامارينا، زەرتتەۋشى: - ءبىزدىڭ ايماققا الداعى ونجىلدىقتا ەل-نينو جانە ءلا-نينا تابيعي قۇبىلىستارى بىردەي اسەر ەتپەك. ءبىر جاعىنان سۋ تاسقىنى ءجۇرىپ، ەكىنشى جاعىنان قۇرعاقشىلىق ورناپ، حالىققا اۋىر تيگەلى تۇر. اپاتتان كوز اشپايتىن ءتۇرىمىز بار.
سۋ باسقان قورىقتاعى ادامدار قۇتقارىلدى كەنيا تاسقىن سالدارىمەن كۇرەسىپ الەك. بيلىك اتاقتى ماساي-مارا قورىعىنداعى قوناق ءۇيدىڭ قىزمەتكەرلەرى مەن تۋريستەردى قۇتقاردى.
جاۋىن-شاشىن سالدارىنان وزەن تاسىپ، جۇزگە جۋىق تۇرعىن سىرت الەمنەن وقشاۋلانىپ قالعان. قۇتقارۋ ىسىنە تىكۇشاق تارتىلدى. كەيبىر ادامدار اعاشتىڭ باسىنا شىعىپ العان. بۇل ەلدە نوسەر ناۋرىزدان بەرى تولاستاعان جوق. كەيىنگى 2 ايدا تابيعي اپاتتان 181 كىسى اجال قۇشىپ، 200 مىڭنان استامى ءۇيىن تاستاۋعا ءماجبۇر بولعان،-دەپ حابارلايدى 24.كZ.