اعىمداعى جىلدىڭ 8 مامىرىندا ساعات 12.00-دە الماتىدا «مۋسورگي» فلەشموبى وتەدى. ارت-جوبانى 101 Dump Gallery كرەاتيۆتى توبى ۇيىمداستىرادى. اكسيا ەكولوگيالىق ماسەلەلەرگە نازار اۋدارۋعا جانە حالىقتى اينالا قورشاعان ورتانى تازا ۇستاۋعا ىنتالاندىرۋعا ارنالعان.
فلەشموب كەلەسى باعىتتار بويىنشا وتەدى:
* ساعات 12.00-دە پانفيلوۆ كوشەسى بويىمەن قابانباي باتىر كوشەسىنەن جىبەك جولى داڭعىلىنا دەيىن؛
* ساعات 13.00-دەن 14.00-گە دەيىن پانفيلوۆ كوشەسىنەن ابىلاي حان داڭعىلىنا دەيىن؛
* ساعات 14.00-دە جىبەك جولى داڭعىلى-بايسەيىتوۆا كوشەسىنىڭ قيىلىسىندا مارەلىك قويىلىم وتەدى.
«مۋسورگي» - بەيسانالىق تۇتىنۋدى، ۇتىمسىز پايدالانۋدى جانە تابيعي رەسۋرستارعا جاۋاپسىزدىقتى بىلدىرەتىن ويدان شىعارىلعان كەيىپكەرلەر. مىسالى، «اۋە حانشايىمى» اۋانىڭ لاستانۋىن، ال «كوقىس بيكە مۇنايباي قىزى» - الماتىنىڭ كورنەكى ورىندارىن لاستايتىن، ونىڭ ىشىندە مۇناي وڭدەۋ ونىمدەرىنەن، پلاستيك پاكەتتەردەن، بوتەلكەلەردەن جانە ت.ب. جاسالعان قوقىستى بىلدىرەدى.
فلەشموب اياسىندا قالا اۋداندارىنىڭ سانى بويىنشا بارلىعى 8 كەيىپكەر ۇسىنىلادى. ولاردى جاساۋعا ەكوبەلسەندىلەر، سۋرەتشىلەر جانە بەي-جاي قارامايتىن قالا تۇرعىندارى قاتىستى.
فلەشموب «الماتى - ءبىزدىڭ ورتاق ءۇيىمىز» ناۋقانىنىڭ اياقتالۋىنا ورايلاستىرىلعان جانە قالانىڭ ەكولوگياسى مەن ورنىقتى دامۋى جونىندەگى باستامالاردى قولداۋعا باعىتتالعان.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتى قالاسىندا «الماتى – ءبىزدىڭ ورتاق ءۇيىمىز» ناۋقانى وتۋدە. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى. بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا قالا بويىنشا ورنالاستىرىلعان باننەرلەر، پوستەرلەر، افيشالارداعى ارنايى QR-كود ارقىلى كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.