التىننىڭ باعاسى سوڭعى ەكى ايدا العاش رەت اقش-تىڭ فەدەرالدى رەزەرۆتىك جۇيەسىنە پايىزدىق مولشەرلەمەلەردى تومەندەتۋگە كوبىرەك ۋاقىت قاجەت بولۋى مۇمكىن دەگەن الاڭداۋشىلىق سالدارىنان تومەندەدى، دەپ حابارلايدى اlmaty-akshamy.kz Bloomberg اگەنتتىگىنە سىلتەمە جاساپ.
اقش-تاعى جۇمىسپەن قامتۋدىڭ سوڭعى دەرەكتەرى ەڭبەك شىعىندارىنىڭ ماكسيمالدى دەڭگەيگە دەيىن ءوسۋىن كورسەتەدى، ونىمدىلىكتىڭ ءوسۋى باياۋلاپ، باعا قىسىمىن كۇشەيتتى. اقش فەدەرالدى رەزەرۆتىك جۇيەسىنىڭ ءتوراعاسى دجەروم پاۋەلل ساياساتكەرلەرگە پايىزدىق مولشەرلەمەنىڭ تومەندەۋىن قاراستىرۋ ءۇشىن باعانىڭ باياۋلاۋىنىڭ قوسىمشا بەلگىلەرى قاجەت ەكەنىن اتاپ ءوتتى.
وسى جاعدايدىڭ اياسىندا 3 مامىردا التىن باعاسى ءبىر ۋنسيا ءۇشىن 2300 دوللارعا دەيىن تومەندەدى. اۋىلشارۋاشىلىققا جاتپايتىن سەكتوردىڭ ەسەبىندە دە ءوسۋدىڭ باياۋلاۋى كۇتىلۋدە. بۇل ءوز كەزەگىندە مولشەرلەمەنىڭ تومەندەۋىنە اسەر ەتۋى مۇمكىن. ادەتتە مولشەرلەمەنىڭ تومەندەۋى التىن سياقتى اكتيۆتەر ءۇشىن قولايلى بولىپ سانالادى.
التىن بيىل 12 پايىزعا ءوستى جانە رەكوردتىق دەڭگەيگە جاقىن ساتىلۋدا. وعان ورتالىق بانكتەردىڭ بەلسەندى ساتىپ الۋى جانە قىتايداعى جوعارى سۇرانىس اسەر ەتتى. كوپتەگەن ينۆەستور التىندى ۋكراينا مەن تاياۋ شىعىستاعى سوعىستان تۋىنداعان گەوساياسي شيەلەنىس جاعدايىندا ءقاۋىپسىز اكتيۆ رەتىندە قاراستىرادى.