قىتايعا جاساعان ساپارىندا پرەزيدەنت ەكى ەل اگروونەركاسىپ سالاسىنداعى ىنتىماقتاستىقتى دامىتۋعا مول مۇمكىندىك بارىن مالىمدەدى.
مەملەكەت باسشىسى الداعى ۋاقىتتا قازاقستان قانتپەن ءوزىن تولىق قامتاماسىز ەتۋدى جوسپارلايتىنىن اتاپ ءوتتى، دەپ حابارلايدى Almaty-akshamy.kz.
«سول ءۇشىن كەشەندى جوسپار قابىلداندى. سىزدەردى قازاقستاندا قانت ءوندىرىسىن دامىتۋعا بەلسەندى اتسالىسۋعا شاقىرامىن»، - دەدى مەملەكەت باسشىسى.
سياندا ءوتىپ جاتقان ينۆەستيسيالىق دوڭگەلەك ۇستەلدە پرەزيدەنت قازاقستان الەمدە بيداي وندىرەتىن ەڭ ءىرى 10 ەلدىڭ ءبىرى ەكەنىن اتاپ ءوتتى. قازاقستان جىلىنا 5.5 ملن تونناعا جۋىق استىق پەن 1،5 تونناعا جۋىق ۇن ەكسپورتتايدى. الداعى ۋاقىتتا قىتايعا 1 ملن توننا بيداي جەتكىزۋدى كوزدەپ وتىر.
سونىمەن قاتار سوڭعى بەس جىلدا قازاقستاننان قىتايعا ەكسپورتتالعان مايلى داقىلدار كولەمى 3.5 ەسە، ءوسىمدى مايى 2 ەسە ارتقان.
«كاسىپكەرلەرىمىز قىتايعا سيىر، قوي، شوشقا، تاۋىق ەتىن جونەلتە الادى»، - دەدى ول.