Facebook-تە ق ر پرەزيدەنتى قاسىم-جومارت توقايەۆتىڭ قازاقستاندىقتارعا ارنالعان جاڭا قارجى باعدارلاماسىنىڭ ىسكە قوسىلعانى تۋرالى مالىمدەگەن ۆيدەوسى تارالۋدا، دەپ حابارلايدى aqshamnews.kz.
جوبا ءىرى Qazaq Oil كومپانياسىمەن بىرلەسىپ جۇزەگە اسىرىلىپ جاتىر ەكەن. قالاي اقشا تابۋعا بولاتىندىعىن ءبىلۋ ءۇشىن پايدالانۋشى ساۋالنامادان ءوتۋى كەرەك. Stopfake.kzء-تىڭ مالىمدەۋىنشە، بۇل اقپارات – فەيك.
روليكتە جالعان داۋىس قولدانىلعان. قازاقستان پرەزيدەنتىنىڭ بۇل ءسوزى ونىڭ 2022 جىلعى رەفەرەندۋم قارساڭىندا ازاماتتارعا جاساعان ۇندەۋىنەن الىنعان. ءتۇپنۇسقا باياندامادا Qazaq Oil كومپانياسىمەن بىرلەسكەن جوبا تۋرالى ايتىلماعان. پرەزيدەنت ءسوزىنىڭ جازباسى بارشاعا قولجەتىمدى، الاياقتار ونى جالعان اقپارات جاساۋ ءۇشىن كونتەكستەن ءۇزىپ العان.
مەملەكەت باسشىسىنىڭ رەسمي سايتىندا ازاماتتارعا ارنالعان قانداي دا ءبىر جاڭا قارجىلىق باعدارلامانىڭ ىسكە قوسىلعانى تۋرالى اقپارات جوق.
سونداي-اق Qazaq Oil كومپانياسىنىڭ رەسمي سايتىندا جانە الەۋمەتتىك جەلىلەردە (Instagram-دا جانە Facebook-تە) مەملەكەتپەن بىرلەسىپ ىسكە قوسىلعان ينۆەستيسيالىق باعدارلاما تۋرالى اقپارات جوق. جانارماي قۇيۋ ستانسيالارىنىڭ ۇلتتىق جەلىسى مۇنداي مالىمدەمە جاساماعان.
الاياقتار الەۋمەتتىك ينجەنەريا ادىستەرىن قولدانادى – ارەكەتكە يتەرمەلەيدى. ولاردىڭ ايتۋىنشا، باعدارلاما تەك اي سوڭىنا دەيىن عانا ىسكە اسىرىلادى. شىن مانىندە، بۇل ۆيدەو ادامداردى الداۋ ماقساتىندا جاسالعان. ساق بولىڭىز جانە كۇدىكتى سىلتەمەلەر بويىنشا وتپەڭىز.
ق ر پرەزيدەنتىنىڭ اتىنان ىسكە قوسىلعان ينۆەستيسيالىق باعدارلامالار تۋرالى وسىنداي فەيك حابارلامالار 2023 جانە 2024 جىلدارى جەلىدە كوپ تارالدى.