سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ «ايتەك» سۋ تورابىن ارالاپ، سولتۇستىك ارال تەڭىزىنە سۋ جىبەرۋ جۇمىستارىمەن تانىستى.
سولتۇستىك ارال تەڭىزىنە وتكەن جىلمەن سالىستىرعاندا 12،5 ەسە ارتىق سۋ كەلىپ جاتىر، دەپ حابارلايدى Almaty-akshamy.kz سۋ رەسۋرستارى جانە يررگيگاسيا مينيسترلىگىنە سىلتەمە جاساپ.
قازىرگى ۋاقىتتا سولتۇستىك ارالعا سەكۋندىنا 75 تەكشە مەترگە دەيىن سۋ جىبەرىلۋدە. بىلتىر سەكۋندىنا 6 تەكشە مەتر سۋ كەلگەن بولاتىن.
«بۇگىندە سىرداريا وزەنى ارقىلى قىزىلوردا وبلىسىنا سەكۋندىنا 650 تەكشە مەتر سۋ كەلىپ جاتقاندىقتان وسىنداي ناتيجەگە قول جەتكىزىلدى. وزبەكستان جانە قىرعىزستانمەن بىرلەسكەن جۇمىس جۇرگىزىلدى. اتاپ ايتقاندا، سۋ جىبەرۋ كەستەلەرى بەكىتىلىپ، قازىرگى تاڭدا كەلىسىمگە ساي سۋ كەلىپ جاتىر. سونداي-اق جەرگىلىكتى شارۋا قوجالىقتارىمەن دە كەزدەستىم. ەگىس القاپتارىن سۋارۋ ءۇشىن قاجەتتى سۋ جەتكىلىكتى مولشەردە»،- دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.