ادامداردى الداۋمەن اقشا تاۋىپ كەلگەن الاياق قولعا ءتۇستى.
المالى اۋداندىق پوليسيا باسقارماسىندا 26 جاستاعى ا. ەسىمدى ازاماتقا قاتىستى ق ر قك-نىڭ 190-بابى 4-بولىگىمەن قىلمىستىق ءىس تىركەلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ول شاھار تۇرعىندارىن الدادى دەگەن كۇدىككە ءىلىندى. دالىرەك ايتساق، ا. ەسىمدى ازامات سالعان اقشاسىن پايىزبەن قايتارۋعا ۋادە بەرىپ، ءتۇرلى بيزنەس جوبالارعا ينۆەستورلاردى تارتقان. ونىڭ ارەكەتىنەن كەلتىرىلگەن جالپى شىعىن 50 ميلليون تەڭگەنى قۇرادى. جەدەل شارالار جۇرگىزىلدى. كۇدىكتى ۇستالدى. ءىستى قاراۋ بارىسىندا ونىڭ وسىعان ۇقساس بىرنەشە ەپيزودتارعا قاتىسى بار ەكەنى انىقتالدى. ول 2019 جىلدان بەرى بيزنەسكە اقشا سالامىن دەگەن جەلەۋمەن جەرگىلىكتى تۇرعىنداردىڭ اقشاسىن جىمقىرعان. ءقازىر زارداپ شەككەندەردىڭ ناقتى سانى انىقتالۋدا، سەبەبى كەيبىرى ءالى پوليسياعا ارىز جازباعان»، – دەيدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.
تەرگەۋ بارىسىندا ۇستالعان ادامعا قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى. ول ۋاقىتشا ۇستاۋ يزولياتورىنا قامالدى.
وسى ادامنىڭ ارەكەتىنەن زارداپ شەككەن ازاماتتاردى پوليسيا قىزمەتكەرلەرى المالى اۋداندىق پب-عا نەمەسە مىنا تەلەفون نومىرلەرىنە حابارلاسۋدى سۇرايدى: 8-705-555-77-63؛ 8-775-747-77-78؛ 8-778-481-19-00.