پرەزيدەنت ساياباعىنىڭ ماڭىندا جايىلعان جىلقىلاردىڭ يەسىنە ايىپپۇل سالىندى
الماتى پوليسياسى ءال-فارابي داڭعىلىنىڭ بويىندا جايىلىپ جۇرگەن ءبىر ءۇيىر جىلقىنىڭ يەلەرىن تاۋىپ، ولارعا ايىپپۇل سالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءال-فارابي داڭعىلىنىڭ بويىنداعى پرەزيدەنتتىك ساياباقتىڭ ماڭىندا جايىلىپ جۇرگەن جىلقىلاردىڭ ۆيدەوسى الەۋمەتتىك جەلىدە تارادى. پوليسيا دەپارتامەنتى جىلقىلاردىڭ ءال-فارابي داڭعىلىندا جايىلىپ جۇرگەنى تۋرالى اقپارات راستالعانىن حابارلادى.
«اتالعان مەكەنجايعا بوستاندىق اۋدانىنىڭ تابيعاتتى قورعاۋ پوليسياسىنىڭ قىزمەتكەرلەرى اتتاندى. ءتارتىپ ساقشىلارى جانۋارلاردىڭ (جىلقىلاردىڭ) يەسىن انىقتادى. ولارعا قاتىستى ق ر اكiمشiلiك قۇقىقبۇزۋشىلىق تۋرالى زاڭناماسىنىڭ 408 -بابى بويىنشا اكىمشىلىك حاتتاما جاسالدى. ايىپپۇل سالىندى. سونىمەن قاتار پروفيلاكتيكالىق اڭگىمە جۇرگىزىلدى»، - دەدى بوستاندىق اۋداندىق پوليسيا باسقارماسىنىڭ باستىعى دۋمان اۋحادييەۆ.
ايتا كەتەيىك، جىلقىلاردىڭ يەسى الماتىنىڭ ناۋرىزباي اۋدانىندا تۇرادى.