زەرتتەۋشىلەر سيۆەرس الما اعاشىنىڭ قۇپياسىن اشتى

سيۆەرس الماسى جەتىلدىرىلە تۇسپەك

سيۆەرس الماسى قازاقستاننىڭ برەندىنە اينالۋى ءتيىس، دەپ حابارلايدى Almaty-akshamy.kz.

مۇنداي مالىمدەمەنى حالىقارالىق عىلىمي ەكسپەديسياعا قاتىسقان شەتەلدىك زەرتتەۋشىلەر جاسادى.

گەرمانيا مەن فرانسيانىڭ سوربوننا ۋنيۆەرسيتەتىنىڭ وكىلدەرى جوڭعار-الاتاۋ قورىعىندا ءىسساپاردا بولدى.

وندا عالىمدار جەردەگى الما باقتارىنىڭ شىعۋىن زەرتتەپ، ىزدەنىس جۇمىستارىن جەتىلدىرۋ ءۇشىن المالاردىڭ داندەرىن جينادى. ءسويتىپ، الداعى ۋاقىتتا كوپتەگەن جاڭالىقتار اشۋعا نيەتتى.

سەبەبى الدىڭعى ناتيجەلەر وكسفورد ۋنيۆەرسيتەتىنىڭ عالىمدارىنا تولىسقان قىزىل ءبۇيىرلى المانىڭ بارلىق بەلگىلى سۇرىپتارىنىڭ تورتتەن ءبىرى، ياعني 2،5 مىڭى سيۆەرس اعاشىنان شىققانىن دالەلدەۋگە مۇمكىندىك بەردى.

«قازاقستان الەمدەگى بارلىق الما اعاشتارىنىڭ شىققان جەرى بولىپ تابىلادى. سوندىقتان دا بۇل دەرەككە عالىمدار قىزىعۋشىلىق تانىتتى. جاي عالىمدار ەمەس، عىلىمي زەرتتەۋشىلەر. ولاردىڭ قاتارىنا زاماناۋي سۋرەتشىلەر قوسىلدى. سوڭعىلارى عالىمداردىڭ زەرتتەۋلەرى نەگىزىندە ءوز جوبالارىن جاسايدى»، - دەدى «Cultural Dialogue» قوعامدىق قورىنىڭ ديرەكتورى جاننا مامبەتوۆا.