ول – لەون بەرنار پرەمياسىن يەلەنگەن 29 ادامنىڭ ءبىرى، ورتا ازياداعى وسى سىيلىقتىڭ العاشقى يەگەرى.
قازاق مەديسيناسىنىڭ اڭىزى – تورەگەلدى شارمانوۆ ومىردەن ءوتتى، دەپ حابارلايدى Almaty-akshamy.kz
قازاقستان تاعامتانۋ اكادەمياسىنىڭ پرەزيدەنتى، بەلگىلى ديەتولوگ تورەگەلدى شارمانوۆ 94-كە قاراعان شاعىندا دۇنيەدەن ءوتتى.
تورەگەلدى شارمان ۇلى 19 قازان 1930 جىلى قاراعاندى وبلىسى، ۇلىتاۋ اۋدانىندا تۋعان. 1949 جىلى مەكتەپتى بىتىرىسىمەن قاراعاندى مەملەكەتتىك مەديسينالىق ينستيتۋتىنا وقۋعا ءتۇسىپ، وتە جاقسى كورسەتكىشپەن اياقتاپ شىقتى. 1955-1958 جىلدارى قاراعاندى مەملەكەتتىك مەديسينالىق ينستيتۋتىننىڭ اسپەرانتۋراسىن جاقسى ناتيجەدە بىتىرگەن.
1967 جىلى «مەديسينا عىلىمدارىنىڭ دوكتورى» عىلىمي اتاعى؛ 1968 جىلى پروفەسسور؛ 1994 جىلدان باستاپ قازاقستان رەسپۋبليكاسىنىڭ ۇلتتىق عىلىم اكادەمياسىنىڭ اكادەميگى؛ رەسەي مەديسينا عىلىم اكادەمياسىنىڭ اكادەميگى اتاقتارىن العان.
تورەگەلدى شارمانوۆ 12 جىل دەنساۋلىق ساقتاۋ مينيسترلىگىن باسقارىپ، مەدسانيتارلىق كومەك جۇيەسىن ەنگىزگەن.