الماتىنىڭ جەتىسۋ اۋدانىندا 80-جىلداردىڭ باسىندا سالىنعان ماگيسترالدىق قۇبىر اۋىستىرىلادى، دەپ حابارلايدى Almaty-akshmy.kz
الماتى قالاسىنىڭ جەتىسۋ اۋدانىنداعى اينابۇلاق-2 شاعىناۋدانىندا جىلۋ جەلىلەرىن قايتا جاڭارتۋ جۇمىستارى جۇرگىزىلۋدە. جوبا 2،1 شاقىرىم ماگيسترالدىق قۇبىرلاردى اۋىستىرۋدى قامتيدى. بۇل جۇمىستار 2022 جىلى باستالىپ، 2024 جىلدىڭ قىركۇيەگىندە اياقتالادى دەپ جوسپارلانعان.
جوبا اياسىندا 80-جىلداردىڭ باسىندا سالىنعان، سوڭعى 10 جىلدا 36 مارتە زاقىمدالعان ماگيسترالدىق قۇبىرلار جاڭارتىلاتىن بولادى. بۇل قۇبىرلار اينابۇلاق-2 شاعىناۋدانىنان پاۆلودار كوشەسىنە دەيىن، جۇمابايەۆ جانە ماقاتايەۆ كوشەلەرىنە دەيىنگى اۋماقتى قامتيدى. جاڭارتۋ جۇمىستارى ناتيجەسىندە 344 كوپپاتەرلى تۇرعىن ءۇي، 11 مەكتەپ، 3 دەنساۋلىق ساقتاۋ مەكەمەسى جانە 483 باسقا دا وبەكت جىلۋمەن ۇزدىكسىز جانە ساپالى قامتاماسىز ەتىلەدى.
جەتىسۋ اۋدانىنداعى تۇرمىس ساپاسىن ساقتاۋ ماقساتىندا، مەردىگەر ۋاقىتشا قۇبىر ورناتۋ ارقىلى جەرگىلىكتى حالىققا ىستىق سۋ ۇسىنادى. جىلۋ تراسساسىن رەكونسترۋكسيالاۋدىڭ سوڭعى كەزەڭىندە، اينابۇلاق-2 شاعىناۋدانىنداعى 32ا ۇيدەن جۇمابايەۆ كوشەسىنە دەيىنگى اللەيا بويىنشا جاياۋ جۇرگىنشىلەر قوزعالىسى ۋاقىتشا وزگەرەدى. اللەيانىڭ ورتالىق بولىگىنىڭ ەكى جاعىندا جاياۋ جۇرگىنشىلەرگە ارنالعان جول اشىق بولادى. قورشاۋ ورناتۋ جۇمىستارى 26 مامىردا باستالادى.
جوبادا بالالار مەن سپورت الاڭدارىن قوسا العاندا، بۇرىن ورنالاسقان شاعىن ينفراقۇرىلىمى بار جول توسەمى مەن جاياۋ جۇرگىنشىلەر اللەياسىن قالپىنا كەلتىرۋ كوزدەلگەن.
"ساپا قۇرىلىس 2007" ج ش س مەردىگەرلىك ۇيىمى جەتىسۋ اۋدانىندا جالپى ۇزىندىعى 5،9 كم جەلىنى قايتا جاڭارتۋ جۇمىستارىن اتقارادى. الماتى قالاسىنىڭ اكىمى ەربولات دوسايەۆتىڭ تاپسىرماسى بويىنشا 2024 جىلى ۇزىندىعى 20 كم بولاتىن 23 جىلۋ جەلىلەرىنىڭ وبەكتىلەرىن قايتا جاڭارتۋ جۇرگىزىلەدى، بۇل جەلىلەردىڭ توزۋ پايىزىن 1،8%-عا تومەندەتۋگە مۇمكىندىك بەرەدى.
ۋاقىتشا قولايسىزدىقتارعا تۇسىنىستىكپەن قاراۋدى سۇرايمىز.
«الماتى جىلۋ جەلىلەرى» ج ش س