قازان ايىنىڭ سوڭىنان باستاپ "Air Astana" اقتاۋ، شىمكەنت، استانا جانە اقتاۋدان جيددا مەن مەديناعا رەيستەردى قايتا باستايدى، دەپ حابارلايدى aqshamnews.kz كومپانيانىڭ مالىمەتىنە سىلتەمە جاساپ.
قازاقستاندىق اۋە كومپانياسى كۇزدە گەوگرافياسى مەن ۇشۋ جيىلىگىن ايتارلىقتاي كەڭەيتىپ جاتىر.
ۇشۋلار مىنا جيىلىكتە وزگەرىپ جاتىر:
الماتى – مەدينا اپتاسىنا ەكى رەت،
شىمكەنت – مەدينا اپتاسىنا ءبىر رەت،
استانا – جيددا جانە استانا – مەدينا ەكى اپتا سايىن كەزەكتەسىپ ورىندالادى.
سونداي-اق ەكى اپتا سايىن كەزەكتەسىپ ورىندالاتىن اقتاۋ - جيددا جانە اقتاۋ - مەدينا جاڭا مارشرۋتتارى قوسىلادى.
"بۇل باعىتتار قازاقستاندىق جولاۋشىلار ءۇشىن قاجىلىق ساپارلارىن ودان دا ىڭعايلى ەتەدى، سونىمەن قاتار ىسكەرلىك جانە دەمالىس ساپارلارى ءۇشىن ۇلكەن مۇمكىندىكتەر بەرەدى"، - دەپ حابارلادى كومپانياداعىلار.
سونىمەن قاتار قازاقستاندىق ازاماتتارعا ساۋد ارابياسىنا كىرۋ ءۇشىن ۆيزا قاجەت ەكەنىن ەسكە سالدى.
رەسمي حابارلاماعا سايكەس، قازان ايىنىڭ سوڭىنان باستاپ قازاقستاندىقتار ءۇشىن ۆيزاسىز كۋرورتتىق باعىتتار بويىنشا رەيستەر قايتا ىسكە قوسىلادى:
الماتى – مالە: اپتاسىنا 3 رەت (جاڭا جىل مەن ناۋرىزدا اپتاسىنا 5 رەيس بولادى)؛
الماتى – فۋكۋوك: اپتاسىنا 5 رەت (7 جەلتوقساننان باستاپ اپتاسىنا 7 رەت ۇشادى)
استانا – فۋكۋوك: اپتاسىنا 3 رەت.
قازان ايىنىڭ سوڭىنان باستاپ "Air Astana" تانىمال تۋريستىك باعىتتارعا رەيستەر سانىن كوبەيتەدى:
الماتى – دۋباي: اپتاسىنا 7-دەن 12 رەيسكە دەيىن.
استانا – دۋباي: اپتاسىنا 7-دەن 10 رەيسكە دەيىن.
الماتى – بانگكوك: اپتاسىنا 4-تەن 7 رەيسكە دەيىن.
الماتى – پحۋكەت: اپتاسىنا 4-تەن 7 رەيسكە دەيىن.