مينيسترلىكتىڭ مالىمەتىنشە، جاستاردىڭ ءمۇعالىم بولۋعا ىنتاسى ارتقان، دەپ حابارلايدى aqshamnews.kz
2025-2026 وقۋ جىلىندا قازاقستاندىق ءبىلىم بەرۋ ۇيىمدارىنا 10 مىڭنان استام جاس پەداگوگ جۇمىسقا قابىلداندى. بۇل تۋرالى وقۋ-اعارتۋ مينيسترلىگى جازدى.
كەشەندى شارالاردىڭ ناتيجەسىندە جاستاردىڭ ءمۇعالىم بولۋعا ىنتاسى ارتقان. پەداگوگ ماماندىعى بويىنشا وقىپ جاتقان ستۋدەنتتەردىڭ شاكىرتاقىسى سوڭعى بەس جىلدا 2 ەسە كوبەيىپ، جاڭا وقۋ جىلىنان باستاپ 84 مىڭ تەڭگەنى قۇرادى.
"بيىل 2 مىڭنان استام ۇزدىك تۇلەك ۇستاز ماماندىعىن تاڭداعان. بۇل – وسى جىلى وقۋ بىتىرگەن "التىن بەلگى" يەگەرلەرىنىڭ 23 پايىزعا جۋىعى"، - دەيدى مينيسترلىك.
جاس پەداگوگتەردى قولداۋ ماقساتىندا پەداگوگ-تالىمگەرلەر مەن پەداگوگيكالىق قىزمەتىن جاڭا باستايتىن جاس ماماندار ءۇشىن ارنايى ءبىلىم بەرۋ كۋرستارىنىڭ باعدارلامالارى مەن ادىستەمەلىكتەرى ازىرلەنگەن.
ودان بولەك اۋىلعا بىلىكتى كادرلاردى تارتۋ ماقساتىندا "ديپلوممەن اۋىلعا" باعدارلاماسى تۇراقتى جۇزەگە اسىرىلىپ كەلەدى.