الماتىدا Air Astana سەرىكتەستەرى مەن جەتكىزۋشىلەرىنە ارنالعان اشىق ەسىك كۇنى جانە ESG Awards ماراپاتىنىڭ ەكىنشى ءراسىمى ءوتتى، وندا اۋە كومپانياسى تۇراقتى دامۋ سالاسىنداعى باستامالاردى ىسكە اسىرۋعا قوسقان ۇلەسى ءۇشىن سەرىكتەستەردى ماراپاتتادى.
كومپانيانىڭ جەتكىزۋشىلەرى مەن سەرىكتەستەرىنە ارنالعان اشىق ەسىك كۇنىنىڭ ماقساتى - قازىرگى جەتكىزۋشىلەرمەن سەرىكتەستىك قارىم-قاتىناستى نىعايتۋ، جاڭا الەۋەتتى جەتكىزۋشىلەردى اۋە كومپانياسىنداعى جەتكىزۋ تىزبەگىمەن تانىستىرۋ جانە كومپانيانىڭ تۇراقتى ساتىپ الۋ سالاسىنداعى جوسپارى تۋرالى اڭگىمەلەۋ.
ءىس-شارادا Air Astana ءاربىر كاسىپكەر تىركەلە الاتىن ساتىپ الۋلار ءۇشىن جەكە سيفرلىق پلاتفورماسىمەن تانىستىردى. بۇل جەتكىزۋشىلەردى تىركەۋدەن باستاپ شارت جاساسۋعا دەيىنگى ساتىپ الۋدىڭ بارلىق كەزەڭىنە ىڭعايلى جانە قول جەتىمدى قۇرال.
«جەكە سيفرلىق فورماتقا كوشۋدىڭ جانە ءبىرىڭعاي ستاندارتتاردى ەنگىزۋدىڭ ارقاسىندا ساتىپ الۋ ۇدەرىسى بارلىق جەتكىزۋشى ءۇشىن يكەمدى جانە اشىق بولدى، - دەيدى ساتىپ الۋ جانە جابدىقتاۋ جونىندەگى ۆيسە-پرەزيدەنت ديليارا كۇنحوجايەۆا. - پلاتفورمانى ىسكە قوسۋ، اشىق ەسىك كۇنىن وتكىزۋ Air Astana كومپانيالار توبىنىڭ اشىقتىققا جانە بارلىق جەتكىزۋشى ءۇشىن تەڭ جاعداي جاساۋعا ۇمتىلىسىن راستايدى».
اشىق ەسىك كۇنىندە Air Astana ساتىپ الاتىن تاۋارلاردىڭ كورمەسى ءوتتى: ۋنيفورما، ارنايى كيىم، اياق كيىم، بورتتىق ءونىم، جول جيىنتىقتارى، المالى-سالمالى بورتتىق توقىما، گيگيەنالىق ءونىم، ونەركاسىپتىك ءونىم، ىدىس جانە ت.ب.
ESG Awards ماراپاتى كومپانيانىڭ ارىپتەستەرىنە كومپانيانىڭ ESG قاعيداتتارىن ىسكە اسىرۋعا قوسقان ۇلەسى ءۇشىن بەرىلەدى (ەكولوگيا، الەۋمەتتىك جاۋاپكەرشىلىك، كورپوراتيۆتىك باسقارۋ). ءىس-شارا ارىپتەستەردىڭ بورتتىق قىزمەت كورسەتۋ، ەڭبەكتى قورعاۋ، قىزمەتكەرلەردى وقىتۋ جانە دامىتۋ، ەكولوگيا، ۇشۋ قاۋىپسىزدىگى، گەندەرلىك تەڭدىك سياقتى سالالارداعى ەڭبەگىن ماراپاتتاۋعا، سونداي-اق كومپانيانىڭ ESG-باستامالارى تۋرالى حاباردارلىقتى ارتتىرۋعا باعىتتالعان.
Air Astana كومپانياسىنىڭ ورنىقتى دامۋ ماسەلەلەرى جونىندەگى دەپارتامەنتىنىڭ ديرەكتورى يۋليا ليم:
«ءبىز سەرىكتەستەرىمىز بەن جەتكىزۋشىلەرىمىزگە جاۋاپتى جەتكىزۋ تىزبەكتەرىن دامىتۋعا جانە ورنىقتى دامۋ قۇندىلىقتارىن قولداۋعا قوسقان ۇلەسى ءۇشىن العىس ايتامىز. ءقازىر كومپانيا ساتىپ الۋ راسىمدەرىنە ESG قاعيداتتارىن ەنگىزۋ بويىنشا بەلسەندى جۇمىس ىستەپ جاتىر، بۇل ۇدەرىستى بارىنشا اشىق جانە جاۋاپتى ەتەدى».
بيىل كومپانيا 11 سەرىكتەستەرىن ماراپاتتادى، ولاردىڭ ىشىندە ءىرى حالىقارالىق كورپوراسيالار، جەرگىلىكتى وندىرۋشىلەر مەن شاعىن جانە ورتا بيزنەس وكىلدەرى بار. ماڭىزدى كريتەرييلەردىڭ قاتارىندا جەتكىزۋشىلەردىڭ سەنىمدىلىگى مەن ادەپتىلىگى، ESG سالاسىنداعى كومپانيانىڭ كورپوراتيۆتىك ماقساتتارىن قولداۋ، يكەمدىلىك پەن اشىقتىق سياقتى قاسيەتتەر بار.