Air Astana اۋە كومپانياسى 4 قاڭتار كۇنى استاناداعى اۋا رايىنىڭ قولايسىزدىعىنا بايلانىستى رەيستەردىڭ كەشىگۋى مەن ۇشۋ كەستەسىندەگى وزگەرىستەر ءالى دە جالعاسىپ جاتقانىن مالىمدەدى، دەپ حابارلايدى aqshamnews.kz.
اۋە كومپانياسى الماتىدان جانە باسقا قالالاردان ۇشاتىن جولاۋشىلارعا اۋەجايعا شىعار الدىندا رەيس مارتەبەسىن الدىن الا تەكسەرۋگە كەڭەس بەردى.
بۇعان دەيىن Air Astana 3 قاڭتاردان 4 قاڭتارعا قاراعان ءتۇنى الماتىدان ۇشاتىن Airbus A320neo ۇلگىسىندەگى ۇشاقتارعا قاتىستى رەيستەردىڭ كەشىگەتىنى جونىندە حابارلاعان بولاتىن. كومپانيا مۇنى استاناداعى اۋا رايىنا بايلانىستى ەنگىزىلگەن ۇشۋ شەكتەۋلەرىمەن ءتۇسىندىردى. اتاپ ايتقاندا، تۇمان ءتۇسىپ، كورىنۋ قاشىقتىعىنىڭ تومەندەۋى جاعدايدى كۇردەلەندىرگەن.
Air Astana ۇشۋ كەستەسىن قالپىنا كەلتىرۋ ءۇشىن قاجەتتى شارالار قابىلدانىپ جاتقانىن ايتىپ، سونىڭ ىشىندە FlyArystan اۋە كومپانياسىنان قوسىمشا رەزەرۆتىك ۇشاق تارتىلعانىن جەتكىزدى.