2026 جىلى قازاقستاندا 11 مىڭ شاقىرىمنان استام اۆتوموبيل جولىن سالۋ جانە جوندەۋ جوسپارلانىپ وتىر. كولىك ۆيسە-مينيسترى ماقسات قالياقپاروۆ باسىم جوبالاردىڭ ناقتى ۋچاسكەلەرىن اتادى، دەپ حابارلايدى aqshamnews.kz.
ۆيسە-مينيستردىڭ ايتۋىنشا، كەلەر جىلى ءىرى ماگيسترالداردى سالۋ مەن قايتا جاڭعىرتۋ جۇمىستارى جالعاسادى. سونىڭ ىشىندە ۇلىتاۋ وبلىسى اۋماعىنداعى قىزىلوردا – جەزقازعان اۆتوجولىنىڭ 208 شاقىرىمدىق بولىگىندە قۇرىلىس-قايتا قۇرۋ جۇمىستارى توقتامايدى.
سونداي-اق جالپى ۇزىندىعى 896 شاقىرىم بولاتىن «ورتالىق – باتىس» جوباسىن ىسكە اسىرۋ، ءارى قاراي اقتوبە – ۇلعايسىن (232 كم) جانە قاراعاندى – جەزقازعان (572 كم) باعىتتارىنداعى جوبالاردى جۇرگىزۋ كوزدەلگەن.
ماقسات قالياقپاروۆ بارلىق قاجەتتى تەحنيكالىق-ەكونوميكالىق نەگىزدەمە دايىن ەكەنىن، قارجى قاراستىرىلعانىن جانە جۇمىستار جوسپارعا ساي اتقارىلىپ جاتقانىن مالىمدەدى.
قالالاردى اينالىپ وتەتىن جولدار
2026 جىلى ءبىرقاتار ەلدى مەكەندە اينالما جولدار سالۋ جوسپارلانعان. اتاپ ايتقاندا، سارىاعاش، قىزىلوردا، پەتروپاۆل جانە رۋدنىي قالالارىنىڭ اينالما باعىتتارى قولعا الىنادى.
تۋريستىك جانە شەكارا ماڭى مارشرۋتتارى
كولىك مينيسترلىگى تۋريستىك جانە شەكاراعا جاقىن جولداردى دامىتۋ جۇمىستارىن دا جالعاستىرادى. ولاردىڭ قاتارىندا راحمان قاينارىنا اپاراتىن جول، سونداي-اق پەتروپاۆل – رەسەي فەدەراسياسىنىڭ شەكاراسى باعىتى بار.
2026 جىلعا جوسپارلانعان كۇردەلى جانە ورتاشا جوندەۋ ۋچاسكەلەرى
جوندەۋ جۇمىستارى مىنا باعىتتاردا قاراستىرىلعان:
-
جەزقازعان – پەتروپاۆل
-
اتىراۋ – ورال
-
جاڭاوزەن – كەندىرلى
-
مۇقىر – قۇلسارى
-
ماكينسك – اقسۋ – تورعاي جانە وزگە دە ۋچاسكەلەر
جەرگىلىكتى جول جەلىسى مەن وزگە جوبالار
جەرگىلىكتى ماڭىزى بار جولدار بويىنشا اقتاۋ – فورت-شيەۆچەنكو، تۇركىستان – ءشاۋىلدىر، چاپاي – سايحىن باعىتتارىن دامىتۋ جوسپارلانعان. سونىمەن بىرگە سەمەي قالاسىنداعى اۆتوگۋجيەۆوي كوپىردىڭ قۇرىلىسى دا جالعاسادى.