مەملەكەت باسشىسىنىڭ وكىمىمەن ايبەك سەرىكباي ۇلى سمادياروۆ قازاقستان رەسپۋبليكاسى پرەزيدەنتىنىڭ كەڭەسشىسى – پرەزيدەنتتىڭ باسپا ءسوز حاتشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى، دەپ حابارلايدى aqshamnews.kz اقورداعا سىلتەمە جاساپ.
ايبەك سمادياروۆ II سىنىپتى توتەنشە جانە وكىلەتتى ۋاكىل ديپلوماتيالىق دارەجەگە يە. قازاق، ورىس، اعىلشىن جانە تۇرىك تىلدەرىن مەڭگەرگەن. ول 1983 جىلعى 7 شىلدەدە وڭتۇستىك قازاقستان وبلىسىندا دۇنيەگە كەلگەن. 2004 جىلى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىن بىتىرگەن.
ەڭبەك جولىن 2005 جىلى "قازاقستانداعى جۇڭگو بانكى" اق اكىمشىلىك دەپارتامەنتىنىڭ مامانى رەتىندە باستاعان. 2006 جىلدان 2008 جىلعا دەيىن ق ر سىرتقى ىستەر مينيسترلىگى كونسۋلدىق قىزمەت دەپارتامەنتىنىڭ مامانى رەتىندە قىزمەت اتقاردى.
2008-2010 جىلدارى ق ر ءسىم ەۋروپا دەپارتامەنتىنىڭ اتتاشەسى جانە ءۇشىنشى حاتشىسى لاۋازىمدارىندا جۇمىس ىستەدى.
2010-2012 جىلدار ارالىعىندا قازاقستاننىڭ ماجارستانداعى ەلشىلىگىندە ءۇشىنشى حاتشى قىزمەتىن اتقاردى.
2012 جىلدان 2013 جىلعا دەيىن ق ر پرەزيدەنتىنىڭ باسپا ءسوز قىزمەتىندە ساراپشى، ال 2013-2014 جىلدارى ق ر ءسىم سىرتقى ساياسي ساراپتاۋ مەن بولجامداۋ كوميتەتىنىڭ ءبىرىنشى حاتشىسى لاۋازىمىن اتقاردى.
2014 جىلدان 2018 جىلعا دەيىن ۆەتنامداعى ق ر ەلشىلىگىندە ەكىنشى جانە ءبىرىنشى حاتشى قىزمەتىندە جۇمىس ىستەدى.
2018-2019 جىلدارى ق ر ءسىم باسپا ءسوز قىزمەتىن باسقارىپ، 2019-2023 جىلدار ارالىعىندا ق ر ءسىم حالىقارالىق اقپارات كوميتەتى ءتوراعاسىنىڭ ورىنباسارى – باسپا ءسوز حاتشىسى لاۋازىمىن اتقاردى.
2023 جىلعى ماۋسىمنان باستاپ ق ر ءسىم كوممۋنيكاسيالار دەپارتامەنتىنىڭ ديرەكتورى – رەسمي وكىلى بولدى.
2025 جىلى ق ر ءسىم حالىقارالىق اقپارات كوميتەتىنىڭ ءتوراعاسى — رەسمي وكىلى.