پرەمەر-مينيستردىڭ ورىنباسارى – جاساندى ينتەللەكت جانە سيفرلىق دامۋ ءمينيسترى جاسلان مادييەۆ مەملەكەتتىك سەكتوردا جاساندى ينتەللەكتىنى ەنگىزۋ بويىنشا الەمدەگى ۇزدىك 100 كوشباسشىنىڭ قاتارىنا كىردى، دەپ حابارلايدى aqshamnews.kz
ول بەدەلدى Government AI 100 (2026) حالىقارالىق رەيتينگىنە AI adoption & implementation (ءجي-دى قابىلداۋ جانە ەنگىزۋ) ساناتى بويىنشا ەندى.
اتالعان رەيتينگ جىل سايىن Apolitical حالىقارالىق پلاتفورماسىمەن جاساقتالادى. تىزىمگە مەملەكەتتىك باسقارۋدا جاساندى ينتەللەكتىنى ستراتەگيا، رەتتەۋ جانە پراكتيكالىق قولدانۋ دەڭگەيىندە دامىتىپ جۇرگەن الەمنىڭ جەتەكشى تۇلعالارى ەنگىزىلەدى.
حالىقارالىق ساراپشىلار جاسلان مادييەۆتىڭ مەملەكەتتىك باسقارۋ جۇيەسىنە جي شەشىمدەرىن ناقتى ەنگىزىپ، ولاردى اۋقىمدى تۇردە قولدانۋعا جول اشقان ەڭبەگىن جوعارى باعالاعان. بۇل جەتىستىك قازاقستاننىڭ دەرەكتەرگە نەگىزدەلگەن باسقارۋ مودەلىنە كوشۋى جانە جاساندى ينتەللەكتىنى نەگىزگى مەملەكەتتىك پروسەستەرگە جۇيەلى تۇردە ينتەگراسيالاۋ ساياساتىنىڭ ناتيجەسى رەتىندە اتالىپ وتىر.
ايتا كەتەيىك، 2026 جىل قازاقستاندا "سيفرلاندىرۋ جانە جاساندى ينتەللەكت جىلى" دەپ جاريالانعان. وسى كەزەڭدە ەلدە GovTech شەشىمدەرىنىڭ ارحيتەكتۋراسىن قالىپتاستىرۋ، ۇلتتىق جاساندى ينتەللەكت پلاتفورمالارىن دامىتۋ جانە كادرلىق الەۋەتتى كۇشەيتۋ باعىتىندا كەشەندى جۇمىستار جۇرگىزىلۋدە.
Government AI 100 رەيتينگى اياسىندا قازاقستاننىڭ كەلەسى باعىتتارداعى ۇلەسى ەرەكشە اتالدى:
مەملەكەتتىك باسقارۋدا ءجي-دى تاجىريبەلىك تۇرعىدا ەنگىزۋ؛
جاساندى ينتەللەكتىنى پايدالانۋدىڭ نورماتيۆتىك-قۇقىقتىق بازاسىن قالىپتاستىرۋ؛
مەملەكەتتىك قىزمەتشىلەردىڭ سيفرلىق جانە باسقارۋشىلىق قۇزىرەتتەرىن دامىتۋ؛
ءجي-دى ەتيكالىق، ءقاۋىپسىز جانە جاۋاپتى قولدانۋ قاعيداتتارىن ورنىقتىرۋ.
تاۋەلسىز ساراپشىلار باعالاۋىنا نەگىزدەلگەن بۇل رەيتينگكە قازاقستاندىق وكىلدىڭ ەنۋى ەلىمىزدىڭ جاھاندىق جاساندى ينتەللەكت جانە سيفرلىق باسقارۋ سالاسىنداعى ءرولىنىڭ ارتىپ كەلە جاتقانىن كورسەتەدى.