احمەت بايتۇرسىنوۆ تۋرالى فيلم ءتۇسىرىلىپ جاتىر

كارتينا ق ر مادەنيەت جانە سپورت مينيسترلىگىنىڭ تاپسىرىسى بويىنشا ۇلتتىق كينونى قولداۋ مەملەكەتتىك ورتالىعىنىڭ قولداۋىمەن تۇسىرىلۋدە.

بۇگىن الماتىدا «سوڭعى ۇكىم» ءفيلمىنىڭ ءتۇسىرىلىمى باستالدى، دەپ حابارلايدى Almaty-akshamy.kz

فيلم قازاقتىڭ كورنەكتى اعارتۋشىسى، قوعام قايراتكەرى جانە ساياسي پۋبليسيست احمەت بايتۇرسىنوۆتىڭ 150 جىلدىعىنا ارنالعان.

كارتينانىڭ سيۋجەتى احمەت بايتۇرسىنوۆتىڭ ءومىرىنىڭ بارلىق كەزەڭدەرىن قامتيدى. باستى رولدە – قازاقستاننىڭ ەڭبەك سىڭىرگەن قايراتكەرى ازامات ساتىبالدى.

«بۇل ۇلت ۇستازى احمەت بايتۇرسىنوۆ تۋرالى فيلم. ونىڭ ءومىرى، قوعامداعى ىستەرى جانە ەڭ باستىسى، ونىڭ كۇرەسى تۋرالى. بۇل مەملەكەتتىڭ ارنايى تاپسىرىسىمەن ءتۇسىرىلىپ جاتقان ۇلكەن جوبا. بايتۇرسىنوۆ – ءبىزدىڭ ماقتانىشىمىز. مەنىڭ ويىمشا، ءبىزدىڭ جاس ۇرپاق وسىنداي فيلمدەردى كورۋى ءتيىس. ويتكەنى، احمەت اعانىڭ جاساعان ىستەرى، الاش وردا قايراتكەرلەرىنىڭ ەرلىگى – بۇگىن كەزدەسپەيتىن باتىلدىق. سوندىقتان سول كەزدەگى وقيعالاردى زاماناۋي كورەرمەنگە كورسەتۋ كەرەك»، - دەيدى اكتەر ازامات ساتىبالدى.

سەناريي اۆتورى – عالىم دوسكەن. جىل سوڭىنا دەيىن اۆتورلار 14 اۋىسىمدى ءتۇسىرۋدى جوسپارلاپ وتىر. ءفيلمنىڭ نەگىزگى بولىگى كەلەسى جىلى تۇسىرىلەدى.