ەرتەڭ ەلىمىزدىڭ كوپ ايماعىندا كۇن سۋىتادى.
«قازگيدرومەت» رمك اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى Almaty-akshamy.kz
17 قاراشادا كۇندىز قوستاناي وبلىسىنىڭ باسىم بولىگىندە قار، تۇمان، كوكتايعاق، جاياۋ بۇرقاسىن كۇتىلەدى. وڭتۇستىك-باتىستان، باتىستان جەل سوعادى، كۇشى وبلىستىڭ سولتۇستىك-باتىسىندا 15-20 م/س جەتەدى.
قاراعاندى وبلىسىنىڭ وڭتۇستىگىندە، شىعىسىندا، ورتالىعىندا، 18 قاراشادا باسىم بولىگىندە قار جاۋادى، بۇرقاسىن، كوكتايعاق كۇتىلەدى. 17 قاراشادا وبلىستىڭ باتىسىندا، سولتۇستىگىندە تۇمان بولجانادى، كۇندىز وبلىستىڭ وڭتۇستىگىندە جەلدىڭ ەكپىنى 23-28 م/س، كەي ۋاقىتتاردا 30 م/س جانە ودان جوعارى كوتەرىلەدى. 19 قاراشادا اۋا تەمپەراتۋراسى تۇندە -17-22 تومەندەيدى.
شىعىس قازاقستان وبلىسىنىڭ وڭتۇستىگىندە، سولتۇستىك-شىعىسىندا كوبىنەسە قار تۇرىندە قاتتى جاۋىن-شاشىن كۇتىلەدى. وبلىستىڭ باتىسىندا، سولتۇستىگىندە بۇرقاسىن، كوكتايعاق بولادى. وڭتۇستىك-شىعىستان سوعاتىن جەل وڭتۇستىك-باتىسقا اۋىسىپ، كۇندىز ەكپىنى 25 م/س جەتەدى. 18 قاراشادا قار جاۋادى، تۇندە وبلىستىڭ سولتۇستىگىندە قار قاتتى جاۋاتىنى كۇتىلەدى. وبلىستىڭ وڭتۇستىگىندە، سولتۇستىك-شىعىسىندا بۇرقاسىن بولادى. جەلدىڭ كۇشى 23-28 م/س، كەي ۋاقىتتاردا 30 م/س جانە ودان جوعارى ارتادى. 19 قاراشادا اۋا تەمپەراتۋراسى تۇندە -17-22، سولتۇستىك-شىعىستا -25، كۇندىز -13-18، سولتۇستىك-شىعىستا -22 گرادۋس ايازعا دەيىن كۇرت تومەندەيدى.
اقتوبە وبلىسىندا وبلىستىڭ سولتۇستىگىندە جاياۋ بۇرقاسىن، كوكتايعاق كۇتىلەدى. جەلدىڭ جىلدامدىعى - 15-20 م/س.
اقمولا وبلىسىنىڭ سولتۇستىگىندە، باتىسىندا تۇمان، جاياۋ بۇرقاسىن كۇتىلەدى. وڭتۇستىك-باتىستان جەل سوعادى، كۇندىز وبلىستىڭ سولتۇستىك-باتىسىندا كۇشى 15-20 م/س ارتادى.
الماتى قالاسىندا كۇندىز قار جانە جاڭبىر تۇرىندە جاۋىن-شاشىن بولادى. كۇندىز 17 قاراشادا - تاۋلىك بويى، 18 قاراشادا كەي ۋاقىتتا تۇمان، كوكتايعاق بولجانادى.
باتىس قازاقستان وبلىسىنىڭ سولتۇستىك-شىعىسىندا تۇمان، كوكتايعاق كۇتىلەدى.
قىزىلوردا وبلىسىنىڭ ورتالىعىندا جانە شىعىسىندا كوكتايعاق، بۇرقاسىن بولادى. جەلدىڭ ەكپىنى - 15-20 م/س.
سولتۇستىك قازاقستان وبلىسىنىڭ باسىم بولىگىندە قار كۇتىلەدى. وبلىستىڭ سولتۇستىگىندە، باتىسىندا جاياۋ بۇرقاسىن بولادى. وبلىستىڭ وڭتۇستىك-شىعىسىندا تۇندە جانە تاڭەرتەن تۇمان بولجانادى. جەلدىڭ جىلدامدىعى 25 م/س جەتەدى.
پاۆلودار وبلىسىنىڭ سولتۇستىگىندە، باتىسىندا تۇمان كۇتىلەدى.