اەس قۇرىلىسىنا قاتىستى العاشقى سىزبادا ستانسيا سالۋعا قاجەتتى قاراجاتتىڭ 80%ء-ى قارىزعا الىناتىنى، 20%-ىنە ۇكىمەتتىڭ ءوز قاراجاتى جۇمسالاتىنى كورسەتىلگەن.
سونىمەن قاتار سىرتتان ينۆەستورلاردى تارتۋ ماسەلەسى دە قاراستىرىلىپ جاتىر. اەس جالپى 60 جىل جۇمىس ىستەيدى. ونىڭ العاشقى 20 جىلى قۇرىلىسقا كەتكەن قارجىنى اقتاۋعا، ال قالعان 40 جىلى ينۆەستيسيانى قايتارۋعا جۇمسالادى.
الايدا قۇرىلىسقا قاتىستى ناقتى شەشىم قابىلدانباعاندىقتان، ناقتى بولجام جاساۋ قيىن. دەگەنمەن اەس قۇرىلىسىنا باسقا ەلدەر دە مۇددەلى بولعاندىقتان، شەتەلدىك سەرىكتەستەر جوباعا ينۆەستيسيا قۇيۋدان تارتىنبايدى دەپ ويلايمىن.
ەكونوميكالىق تۇرعىدان العاندا، اەس-تەن الىناتىن ەنەرگيانىڭ قۇنى كومىر ەنەرگياسىنان قىمباتىراق بولۋى مۇمكىن. ەگەر اەس-تا ەشقانداي اپات بولماسا، ۋاقىت وتە كەلە بۇل قاراجات ءوز-وزىن اقتايدى. سونىمەن قاتار قازاقستان اەس-تىڭ نەگىزگى شيكىزاتى ۋراندى ساتۋ بويىنشا الەمدە جەتەكشى ەل ەكەنىن ەسكەرسەك، وزىمىزدە وندىرىلەتىن شيكىزاتتى قولدانۋ ارقىلى اەس وندىرەتىن ەنەرگيانىڭ قۇنىن تومەندەتۋگە بولادى دەپ بولجاۋعا بولادى. ءبىر ستانسيا ءساتتى سالىنىپ، جۇمىس ىستەي باستاسا، ەلدىڭ باسقا ايماقتارىندا دا اەس سالۋ مۇمكىندىگى پايدا بولادى. وسىلايشا بۇل ۇزاق مەرزىمدى ينۆەستيسيالىق تارتىمدى سالاعا اينالۋى مۇمكىن.