قازاقستاندا اەس سالۋ ماسەلەسى 1997 جىلدان بەرى كوتەرىلىپ كەلەدى. ماڭعىستاۋداعى ەسكى اەس ورنىنا جاڭا اەس سالۋ بىرنەشە رەت تالقىلاندى.
2006 جىلى رەسەي ۆبەر-300 رەاكتورىن ورناتۋدى ۇسىندى، ءبىراق جوبا جۇزەگە اسپادى. 2014 جىلى جاپوندىق Toshiba كومپانياسى AR-1،000 رەاكتورىن، فرانسۋزدىق Areva كومپانياسى EPR رەاكتورىن سالۋدى ۇسىندى، ءبىراق كەلىسسوزدەر ناتيجە بەرمەدى. 2020 جىلى اەس قۇرىلىسى تاعى دا تالقىلاندى. بۇل جولى رەسەي بالقاش كولى ماڭىنداعى ۇلكەن اۋىلىندا قۋاتى 1،200 مۆت-قا دەيىنگى رەاكتور سالۋدى ۇسىندى. الايدا بۇل يدەيانى قولداۋشىلار دا، قارسى بولعاندار دا بار.
قازاقستاننىڭ ەنەرگەتيكالىق جۇيەسىندەگى ءوسىپ كەلە جاتقان سۇرانىستى قاناعاتتاندىرۋ ءۇشىن اەس قۇرىلىسىن باستاۋ قاجەت. الداعى جىلدارى ەلەكتر ەنەرگياسى تاپشىلىعى تۋىنداۋى مۇمكىن. قازاقستان ءقازىردىڭ وزىندە رەسەيدەن ەلەكتر ەنەرگياسىن يمپورتتاپ وتىر، ءبىراق بۇل جەتكىلىكسىز. سوندىقتان جىل سايىن قۋاتتى 500 مۆت-قا ارتتىرۋ قاجەت. ال اەس سالۋ ەكونوميكالىق تۇرعىدان ءتيىمدى بولادى.