الماتىدا سيفرلىق مەديسينا بولاشاق ەمەس — ول ءقازىردىڭ وزىندە جۇمىس ىستەپ تۇر.
Almaty Digital Medical Center (ADMC) بازاسىندا قالانىڭ تۇرعىندارى ۇيدەن شىقپاي-اق دارىگەردەن كەڭەس الىپ، انىقتامالىق اقپاراتقا قول جەتكىزىپ، ءتىپتى دەنساۋلىعىن قاشىقتان باقىلاۋدان وتە الاتىن ورتالىق جۇمىس ىستەيدى، - دەپ حابارلايدى Aqshamnews.kz.
Almaty Digital Medical Center الماتى قالاسىنىڭ قوعامدىق دەنساۋلىق باسقارماسى مەن سيفرلاندىرۋ باسقارماسىنىڭ قولداۋىمەن قۇرىلعان.
جوبانىڭ ماقساتى — ءاربىر تۇرعىن ءۇشىن مەديسينالىق كومەكتى بارىنشا جىلدام، ىڭعايلى جانە قولجەتىمدى ەتەتىن ءبىرىڭعاي سيفرلىق دەنساۋلىق ساقتاۋ ەكوجۇيەسىن قۇرۋ.
ADMC قىزمەتىنىڭ نەگىزگى باعىتتارىنىڭ ءبىرى — تاۋلىك بويى قىسقا 1312 ءنومىرى ارقىلى جۇمىس ىستەيتىن ءبىرىڭعاي بايلانىس ورتالىعى (ببو).
مۇندا وپەراتورلار مەن دارىگەرلەر شۇعىل كومەكتى قاجەت ەتپەيتىن بارلىق مەديسينالىق سۇراقتار بويىنشا كەڭەس بەرەدى، قابىلداۋعا جازىلۋعا كومەكتەسەدى، جاقىن ماڭداعى ءدارىحانا نەمەسە زەرتحانانى تابادى، قاجەت بولعان جاعدايدا بەيىندى ماماندارعا باعىتتايدى.
كۇن سايىن ADMC قىزمەتكەرلەرى شۇعىل جەدەل جاردەم شاقىرىلعاننان كەيىن ۇيدە قالدىرىلعان پاسيەنتتەرگە 1 500-دەن استام قوڭىراۋ شالىپ، ولارعا پوليكلينيكالاردىڭ مۇمكىندىكتەرى مەن كومەك الۋ مارشرۋتتارى تۋرالى اقپارات بەرەدى.
«ءبىزدىڭ جۇمىسىمىزدىڭ باستى ناتيجەسى — مىڭداعان الماتىلىق ۋاقىتىلى كەڭەس الىپ، اسقىنۋلاردىڭ الدىن الادى»، — دەيدى بايلانىس ورتالىعىنىڭ جەتەكشىسى شىرىن تولەكوۆا.
قاشىقتان دەنساۋلىق مونيتورينگى جۇيەسى سوزىلمالى اۋرۋلارى بار ناۋقاستاردى، جۇكتى ايەلدەردى، ءبىر جاسقا دەيىنگى بالالاردى جانە اۋرۋحانادان كەيىن باقىلاۋدا تۇرعان ادامداردى قامتيدى.
بۇگىندە 110 مىڭنان استام تۇرعىننىڭ دەنساۋلىعىن تاۋلىك بويى 30-دان استام دارىگەر باقىلاۋدا ۇستاپ وتىر.
2025 جىلدىڭ ماۋسىمىنان بەرى 15 مىڭ پاسيەنت كەزەكتەن تىس قابىلداۋعا جىبەرىلسە، شامامەن مىڭ ادام اۋرۋحاناعا جاتقىزىلعان.
قاشىقتان دەنساۋلىق مونيتورينگى جوباسى ايەلدەردى جۇكتىلىكتىڭ بارلىق كەزەڭىندە جانە بوسانعاننان كەيىن 42 كۇن بويى باقىلاپ، اي سايىن 3 200-دەن استام جۇكتى ايەلدى قامتيدى.
«ءتورت اي ىشىندە ءبىز شۇعىل كومەكتى قاجەت ەتكەن، ءبىراق پوليكلينيكاعا جۇگىنبەگەن 362 جۇكتى ايەلدى انىقتادىق. قاۋىپتەردى ۋاقىتىندا انىقتاي الدىق»، — دەدى شىرىن تولەكوۆا.
سيفرلىق باقىلاۋدىڭ ارقاسىندا سوزىلمالى اۋرۋلارى بار پاسيەنتتەردى قامتۋ 27%-دان 48%-عا وسسە، بوسانعاننان كەيىنگى پاتروناج 28%-دان 81%-عا ارتتى.
1312 ءنومىرى بويىنشا جۇمىس ىستەيتىن ءبىرىڭعاي بايلانىس ورتالىعىنىڭ تانىمالدىعى ارتىپ كەلەدى: ماۋسىمدا ورتالىققا 8 مىڭ ءوتىنىش تۇسكەن بولسا، قازاندا بۇل كورسەتكىش 50 مىڭنان اسىپ ءتۇستى.
تۇرعىندار كەڭەس الىپ، قابىلداۋعا جازىلادى، پوليكلينيكاعا تىركەلۋ ءتارتىبى تۋرالى اقپارات الادى، سونداي-اق شاعىمدارى مەن العىستارىن قالدىرادى.
ADMC پلاتفورماسىنا ءقازىردىڭ وزىندە سەگىز قالالىق پوليكلينيكا قوسىلعان، بۇل العاش رەت تىركەۋ بولىمدەرىنىڭ جۇكتەمەسىن جانە پاسيەنتتەرمەن بايلانىستى ناقتى ۋاقىت رەجيمىندە باقىلاۋعا مۇمكىندىك بەردى.
الداعى ۋاقىتتا الماتىداعى بارلىق پوليكلينيكالاردى جۇيەگە قوسۋ جوسپارلانىپ وتىر، بۇل ازاماتتاردىڭ وتىنىشتەرىن تولىق سيفرلىق باقىلاۋدى قامتاماسىز ەتىپ، مەديسينالىق كومەكتىڭ قولجەتىمدىلىگىن ارتتىرادى.
«بۇرىن پاسيەنتتەردىڭ پوليكلينيكالارعا قوڭىراۋ شالا العان-شالماعانىن بىلمەيتىنبىز. ەندى ناقتى جاعدايدى كورىپ وتىرمىز: قوڭىراۋلاردىڭ شامامەن 37%-ى جاۋاپسىز قالعان. ءبىز جۇيەلى جۇمىس باستاپ، كۇتۋ ۋاقىتىن ەكى ەسە قىسقارتتىق»، — دەپ حابارلادى ADMC وكىلدەرى.
وسىنىڭ ارقاسىندا پوليكلينيكالارعا بەيىندى ەمەس سۇراقتار بويىنشا تۇسەتىن جۇكتەمە ءۇش ەسە ازايدى، ال پاسيەنتتەرگە قىزمەت كورسەتۋ ساپاسى جاقساردى.
ورتالىقتا گينەكولوگتار، پەدياترلار، تەراپيەۆتەر، حيرۋرگتەر، پسيحياترلار، ۋرولوگتار جانە باسقا دا ماماندار جۇمىس ىستەيدى.
كاسىبي بىلىكتىلىك پەن زاماناۋي تەحنولوگيالاردىڭ ۇيلەسىمى كومەكتى قولجەتىمدى عانا ەمەس، سونىمەن قاتار ساپالى ەتەدى.
الماتىداعى سيفرلىق دەنساۋلىق ساقتاۋدىڭ دامۋى — تەحنولوگيالاردىڭ قالا تۇرعىندارىنىڭ دەنساۋلىعىن جاقسارتۋعا جانە مەديسينانى ءار ادامعا جاقىنداتۋعا قالاي كومەكتەسەتىنىنە جارقىن دالەل.