ۆەدومستۆودا «العا قازاقستان» جانە «حالىق دەربەستىگى» پارتيالارىن قۇرۋدان باس تارتىلدى.
سەنات كۋلۋارىندا ادىلەت ۆيسە-مينيسترى بوتاگوز جاقسەلەكوۆا جۋرناليستەردىڭ قازاقستاندا جاقىن ارادا قانداي جاڭا پارتيالار پايدا بولۋى مۇمكىن ەكەندىگى تۋرالى سۇراقتارىنا جاۋاپ بەردى، دەپ حابارلايدى اlmaty-akshamy.kz.
ايتا كەتەيىك، بۇگىندە ەلىمىزدە 7 ساياسي پارتيا رەسمي تىركەلگەن.
«قازىرگى ۋاقىتتا ادىلەت مينيسترلىگىنىڭ قاراۋىنداعى قانداي دا ءبىر ساياسي پارتيا قۇرۋ تۋرالى وتىنىشتەر جوق. ءبىراق بيىلعى جىلدىڭ باسىنان باستاپ بىزگە ساياسي پارتيا قۇرۋ تۋرالى ءۇش حابارلاما كەلىپ ءتۇستى. ولاردىڭ بارلىعى قاراستىرىلدى. ءبىر حابارلاما بويىنشا - بۇل «ىنتىماق» پارتياسىنا قولداۋ كورسەتىلدى. قالعان ەكەۋىنەن باس تارتىلدى. ويتكەنى وندا قۇجاتتار تولىعىمەن ءبىر تارتىپكە كەلتىرىلمەگەن»، - دەپ جاۋاپ بەردى جاقسەلەكوۆا.
ودان قاي پارتيالار ماقۇلدانباعانىن ناقتىلاۋدى سۇرادى.
«بىزدە «العا قازاقستان» جانە «حالىق دەربەستىگى» پارتيالارىنىڭ قۇجاتتارى بىرىزدەندىرىلمەۋىنە بايلانىستى باس تارتىلدى»، - دەدى ۆيسە-مينيستر.
ول ءقازىر قازاقستاندا ءتۇرلى ساياسي پارتيالاردى قۇرۋعا دەگەن بەلسەندىلىكتىڭ تومەندەۋ سەبەبىن سۇراققا تۇسىنىكتەمە بەرگەن جوق.