ۇلتتىق كينو ورتالىعى مەملەكەتتىك قولداۋعا ۇمىتكەر كينوجوبالاردى ىرىكتەۋ كونكۋرسىنىڭ ءبىرىنشى كەزەڭىن قورىتىندىلادى.
كينو ورتالىعى كونكۋرستىق ىرىكتەۋدىڭ ءبىرىنشى كەزەڭى بويىنشا قۇجات قابىلداۋدى 18 ساۋىردە اياقتادى. بيىل انيماسيالىق، دەرەكتى جانە ويىن فيلمدەرىنىڭ ءارتۇرلى ساناتتارى بويىنشا ءبىرشاما ءوتىنىم كەلىپ ءتۇستى. ەلەكتروندى تۇردە تىركەلگەن سەنارييلەر مەن سەنارييلەر جوسپارلارىنىڭ جالپى سانى 465ء-تى قۇرادى، دەپ حابارلايدى اlmaty-akshamy.kz.
ساراپتاما كەڭەسىنىڭ قاراۋىنا 375 سەناريي مەن سەناريي جوسپارى ۇسىنىلدى. ونىڭ ىشىندە ويىن فيلمدەرى بويىنشا 279 سەناريي، انيماسيالىق فيلمدەر 37 سەناريي، دەرەكتى فيلمدەر بويىنشا 59 سەناريي جوسپارى بار.
ساراپتاما كەڭەسى سەنارييلەر مەن سەناريي جوسپارلارىنىڭ اعىمداعى جىلدىڭ قاڭتار ايىندا جاريالانعان باسىم تاقىرىپتارعا سايكەستىگىن، كينوجوبانىڭ سەنارييى نەمەسە سەناريي جوسپارىنىڭ تۇجىرىمداماسىن، سيۋجەت قۇرىلىمى مەن دراماتۋرگيا پرينسيپتەرىن، سونىمەن قاتار سەنارييدىڭ تەحنيكالىق تۇسىن، كەيىپكەرلەردىڭ بەينەسىنىڭ اشىلۋىن ەسكەردى.
وسىلايشا، ساراپتاما كەڭەسىنىڭ وڭ قورىتىندىسىنا يە بولعان 101 سەناريي مەن سەناريي جوسپارى كونكۋرستىق ىرىكتەۋدىڭ ەكىنشى كەزەڭىنە ءوتتى.