ادامدار ءتۇسىنۋى كەرەك: اۆتومەكتەپتى اشقان كەزدە، ول جاۋاپكەرشىلىكتى ءوز موينىنا الادى

اۆتومەكتەپ – بۇل بيزنەس ەمەس، بۇل جۇرگىزۋشىلەردى تولىققاندى دايارلاۋ، دەيدى ىشكى ىستەر ءمينيسترى ەرجان سادەنوۆ. ورتالىق كوممۋنيكاسيالار قىزمەتىنىڭ پودكاستىندا ەلدىڭ باس پوليسەيى جول قاۋىپسىزدىگى جاعدايىنا قاتىستى تۇسىنىكتەمە بەردى، دەپ حابارلايدى aqshamnews.kz

جول قاۋىپسىزدىگىن ساقتاۋ ءۇشىن 25 مىڭنان استام بەينەباقىلاۋ كامەراسى ورناتىلعان. جالپى رەسپۋبليكا بويىنشا ولاردىڭ سانى 1،5 ملن-نان اسادى.

«ولار كوشە، جول قاۋىپسىزدىگىن باقىلاۋعا ارنالعان. ەندى ونى ودان ءارى دە ۇلعايتاتىن بولامىز. سيفرلاندىرۋ جۇرگىزىلىپ جاتىر، اۋىلدارعا دا جەتتى. سول سەبەپتەن بۇل جۇمىستى كۇشەيتەتىن بولامىز»، – دەدى ەرجان سادەنوۆ.

سپيكەر اۆتومەكتەپتەرگە جەكە توقتالىپ، ونىڭ تۇلەكتەرى از ۋاقىتتا جول-كولىك وقيعاسىنا ۇشىراسا، اۋىر دەنە جارقاتىن السا، ول ءۇشىن جاۋاپكەرشىلىك قاراستىرىلاتىنىن اتاپ ءوتتى.

«ول ادام اۆتومەكتەپ اشامىن، وقىتامىن دەگەندە ءوزىنىڭ جاۋاپكەشىلىگىن ءتۇسىنۋى كەرەك. اۆتومەكتەپتەر – بۇل جاي عانا بيزنەس ەمەس، جۇرگىزۋشىنى دايىندايتىن ادام. اۆتوكولىك – بۇل اسا ءقاۋىپتى كولىك قۇرالى»، – دەپ اتاپ ءوتتى ەرجان سادەنوۆ.

تولىق شىعارىلىمعا سىلتەمە: https://youtu.be/LPjytyehuis