ءىىم باسشىسى ەرجان سادەنوۆ ورتالىق كوممۋنيكاسيالار قىزمەتىنىڭ پودكاستىندا اتاپ وتكەندەي، ءتۋريزمدى دامىتۋعا قاتىسۋ – پوليسيا جۇمىسىنىڭ ماڭىزدى باعىتتارىنىڭ ءبىرى، دەپ حابارلايدى aqshamnews.kz
«بىزدە تۋريستىك پوليسيا ءبولىمى بار. نەگىزىنەن ۇلكەن قالالاردا، بەلگىلى ءبىر تۋريستىك ايماقتاردا. ال ەندى ونى بارلىق وڭىرلەردە اشامىز. تۋريستىك پوليسيا تەك شەتەلدىكتەرگە عانا ارنالماعان. ىشكى تۋريزم دە بار»، – دەدى ەرجان سادەنوۆ.
ونىڭ ايتۋىنشا، ادامدار تۋريستىك پوليسيا قىزمەتكەرلەرىنە ماسەلەلەر بويىنشا جۇگىنبەيدى. سونىمەن قاتار، ءىىم تۋريستەرگە قاتىستى ىقتيمال زاڭسىز ارەكەتتەردى توقتاتۋ ءۇشىن شارالار قابىلدايدى.
«جۇمىسقا قابىلداعان كەزدە تىلدەردى بىلۋىنە قاراپ، ءبىز ۇزدىكتەردى الۋعا تىرىسامىز. جوعارىدا ايتىپ وتكەنىمدەي، پوليسيادا پاتريوتتىق سەزىمى جوعارى ادامدار جۇمىس ىستەۋى كەرەك»، - دەپ تۇيىندەدى ءىىم ءمينيسترى.
ايتا كەتەيىك، ءىىم اۋەجايلاردا شەتەلدىكتەرگە تۋريستىك كارتا بەرەدى. وندا ولاردىڭ قاۋىپسىزدىگىن قامتاماسىز ەتۋگە مۇمكىندىك بەرەتىن اقپارات ۇسىنىلعان.
تولىق شىعارىلىمعا سىلتەمە: https://youtu.be/LPjytyehuis