اباي وبلىسىنىڭ اكىمى نۇرلان ۇرانحايەۆ سەمەي قالاسىنداعى مەلكومبينات كوشەسىنىڭ تۇرعىندارىمەن كەزدەستى، دەپ حابارلايدى Almaty-akshamy.kz Inform.kz-كە سىلتەمە جاساپ.
نۇرلان ۇرانحايەۆ جەرگىلىكتى جۇرتشىلىقپەن العاشقى كەزدەسۋىن مەلكومبينات كوشەسى 3، 4، 10، 11 مەكەنجايىنداعى ۇيلەردىڭ تۇرعىندارىمەن باستادى. ازاماتتار ءوز سوزدەرىندە جىلىتۋ ماسەلەسىنىڭ شەشىمىن تەزىرەك تاپقانىن قالايتىندىقتارىن جەتكىزدى.
«ءبىز ورتالىق جىلىتۋ جۇيەسىنە قوسىلماعانبىز. وسى ماسەلە كوپتى تولعاندىرىپ وتىر. بۇرىن بىزدە جىلۋ مەن ىستىق سۋ بولعان. ۇن-جەم كومبيناتى كەتكەن سوڭ، ەشكىمگە كەرەك ەمەس بولىپ قالدىق. پەشتى ءوزىمىز جاعامىز. ارامىزدا قارتتىق كەلىپ، ءجۇرىپ-تۇرۋى قيىنداعاندار از ەمەس. وعان قوسا وتىن تاسىپ، ەكىنشى قاباتقا كوتەرۋىمىز كەرەك. ۇيلەردىڭ ءوزى اعاشتان جاسالعان، كەز كەلگەن ۋاقىتتا ءورت بولۋى مۇمكىن. جاقىندا عانا-اق ۇيلەردىڭ بىرىندە ءورت شىققان ەدى»، - دەدى تۇرعىندار.