قازاقستاننىڭ قما قوستاناي وبلىسىندا دەنساۋلىق ساقتاۋ نىساندارىنىڭ قۇرىلىسى كەزىندە زاڭسىز سىياقى الۋ فاكتىسى بويىنشا سوتقا دەيىنگى تەرگەپ-تەكسەرۋدى باستادى، دەپ حابارلايدى اlmaty-akshamy.kz قما باسپا ءسوز قىزمەتىنە سىلتەمە جاساپ.
قارجىلىق مونيتورينگ اگەنتتىگى قوستاناي وبلىسىندا دەنساۋلىق ساقتاۋ وبەكتىلەرىن سالۋ كەزىندە زاڭسىز سىياقى الۋ فاكتىسى بويىنشا سوتقا دەيىنگى تەرگەپ-تەكسەرۋدى باستادى.
"اۆتورلىق قاداعالاۋ توبىنىڭ باسشىسى بوپسالاۋ جولىمەن ورىندالعان جۇمىستار اكتىلەرىنە جانە پايدالانۋعا بەرۋ اكتىلەرىنە كەدەرگىسىز قول قويعانى ءۇشىن "اۋىلدىق دەنساۋلىق ساقتاۋدى جاڭعىرتۋ" ۇلتتىق جوباسى شەڭبەرىندە دارىگەرلىك امبۋلاتوريالار سالۋدى جۇزەگە اسىراتىن كومپانيانىڭ باس ينجەنەرىنەن 9 000 000 تەڭگە مولشەرىندە زاڭسىز سىياقى العانى انىقتالدى"، - دەپ جازدى قما باسپا ءسوز قىزمەتى.
تەرگەۋ ارەكەتتەرى بارىسىندا كۇدىكتى قولما-قول اقشا الۋ كەزىندە ۇستالدى.
زاڭسىز سىياقى مولشەرى كورسەتىلگەن وبەكتىلەردى سالۋ قۇنىنىڭ جالپى سوماسىنىڭ 1% - قۇرايدى.
سوتقا دەيىنگى تەرگەۋ جالعاسۋدا.
ق ر قپك 201-بابىنىڭ تالاپتارىنا سايكەس وزگە دە مالىمەتتەر جاريا ەتىلۋگە جاتپايدى.
ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قىلمىستىق-پروسەستىك كودەكسىنىڭ 19-بابىنىڭ 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن اركىم كىناسىز دەپ ەسەپتەلەدى.