اۋىل شارۋاشىلىعى مينيسترلىگى مەملەكەت باسشىسىنىڭ تاپسىرمالارىن جۇيەلى تۇردە ورىنداۋدى جالعاستىرۋدا.
اتاپ ايتقاندا، ءتيىمسىز پايدالانىلىپ كەلگەن جەرلەردى مەملەكەت مەنشىگىنە قايتارۋ، ولاردى ادال جەر پايدالانۋشىلارعا قايتا ءبولۋ جانە اۋىل شارۋاشىلىعى القاپتارىن باسقارۋ ۇدەرىستەرىن تولىق سيفرلاندىرۋ ماسەلەلەرى.
2022 جىلدان باستاپ نىسانالى ماقساتتا پايدالانىلماعان نەمەسە زاڭ بۇزۋشىلىقپەن بەرىلگەن 13،7 ملن گەكتار (گا) اۋىل شارۋاشىلىعى جەرلەرى مەملەكەت مەنشىگىنە قايتارىلدى، - دەپ حابارلايدى Aqshamnews.kz.
ونىڭ ىشىندە 6،2 ملن گا جاڭادان ءتيىمدى جەر پايدالانۋشىلارعا ءبولىنىپ بەرىلىپ، ولار جەر تەلىمدەرىن يگەرىپ، اۋىل شارۋاشىلىعى اينالىمىنا قوسا باستادى.
قالعان 7،5 ملن گا جەردى ءبولۋ جۇمىستارى دايىندىق كەزەڭىندە. بۇل رەتتە جەرگىلىكتى قاۋىمداستىقتاردىڭ، شارۋالاردىڭ جانە ينۆەستورلاردىڭ قاجەتتىلىكتەرىنە باسا كوڭىل بولىنگەن.
اعىمداعى جىل باستالعاننان بەرى اۋىلشارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ اۋماقتىق بولىمشەلەرى 2،1 ملن گا اۋماقتا جوسپاردان تىس 1 497 تەكسەرۋ جۇرگىزدى.
ناتيجەسىندە 1،6 ملن گا جەر بويىنشا 1 112 نۇسقاما بەرىلدى، 357،9 مىڭ گا جەر يگەرىلۋدە، ال 44،9 مىڭ گا جەردى ماجبۇرلەپ قايتارۋ ىستەرى سوتتا قارالۋدا.
2025 جىلى قايتارىلۋى ءتيىس 2 ملن گا جەردىڭ 1،67 ملن گەكتارى ءقازىردىڭ وزىندە مەملەكەت مەنشىگىنە قايتارىلدى.
پرەزيدەنتتىڭ تاپسىرماسىنا سايكەس، كەلەسى جىلدىڭ ورتاسىنا دەيىن بارلىق قايتارىلعان اۋىل شارۋاشىلىعى جەرلەرى وندىرىسكە ەنگىزىلىپ، ينۆەستيسيالىق اينالىمعا تارتىلىپ، جاڭا جۇمىس ورىندارىن قۇرۋعا پايدالانىلۋى ءتيىس. بۇل جەرگىلىكتى حالىقتىڭ جايىلىم تاپشىلىعىن ازايتۋعا دا ىقپال ەتەدى.
بۇل ورايدا مينيسترلىك جەردى قايتا ءبولۋ جوسپارىن ازىرلەپ، وڭىرلەرگە جولدادى. ونىڭ باستى باسىمدىعى – اۋىل تۇرعىندارىنىڭ جايىلىمدىق جەرگە دەگەن سۇرانىسىن قاناعاتتاندىرۋ.
جەر ساياساتىنىڭ باسىم باعىتتارىنىڭ ءبىرى – اۋىل شارۋاشىلىعى جەرلەرىن بەرۋ، مونيتورينگ جۇرگىزۋ جانە پايدالانۋدى باقىلاۋدىڭ بارلىق كەزەڭدەرىن سيفرلىق فورماتقا كوشىرۋ.
وسىعان بايلانىستى جەر كودەكسىنە اۋىل شارۋاشىلىعى جەرلەرىن تەك ەلەكتروندى فورماتتا بەرۋدى قاراستىراتىن وزگەرىستەر ەنگىزۋ باستاماسى كوتەرىلدى.
باسىم باعىتتاردىڭ قاتارىندا، جەڭىمپازدى انىقتاۋ پروسەسىنەن جەر كوميسسياسىن الىپ تاستاۋ، ادامي فاكتوردى جويۋ، اۆتوماتتى تۇردە بالل ەسەپتەلەتىن اشىق كونكۋرس مەحانيزمىن ەنگىزۋ، كونكۋرستاردى وتكىزۋ مەرزىمىن ەكى ەسەگە قىسقارتۋ سياقتى وزگەرىستەردى اتاپ وتۋگە بولادى.
سونىمەن قاتار «مەملەكەتتىك جەر كاداسترى دەرەكتەرىن قالىپتاستىرۋ» باعدارلاماسى اياسىندا اۋىل شارۋاشىلىعى جەرلەرىنىڭ ءبىرىڭعاي اشىق سيفرلىق كارتاسىن جاساۋ جۇمىستارى جۇرگىزىلۋدە.
بۇگىنگى كۇنى 197،937 ملن گا جەر ۋچاسكەسى سيفرلاندىرىلىپ، اشىق تۇردە قولجەتىمدى ەتىلدى. جوبانى اياقتاۋ وسى جىلدىڭ سوڭىنا جوسپارلانعان.
ناتيجەسىندە جەر پايدالانۋشىلار جەر ۋچاسكەلەرىنىڭ مارتەبەسى، يەسى، نىسانالى ماقساتى جانە پايدالانۋ تاريحى تۋرالى تولىق اقپاراتقا ونلاين رەجيمدە ەركىن قول جەتكىزە الادى.
اتقارىلىپ جاتقان شارالار – پرەزيدەنتتىڭ قازاقستان حالقىنا جولداۋىندا جۇكتەلگەن مىندەتتەردى ورىنداۋعا باعىتتالعان مەجەلى جۇمىستاردىڭ ءبىر بولىگى. ناقتىلاپ ايتقاندا، بۇل – جاساندى ينتەللەكت قولدانۋ ارقىلى سپۋتنيكتىك مونيتورينگ تيىمدىلىگىن ارتتىرۋ، جەر رەسۋرستارىن ءادىل ءبولۋ، جەردى ماقساتتى پايدالانۋشىلاردى قولداۋ جانە ينۆەستيسيا تارتۋعا قولايلى جاعداي جاساۋ.