اسا ءىرى كولەمدە ەسىرتكى ساقتاۋدىڭ 17 دەرەگى انىقتالعان.
اتىراۋ وبلىسىندا زاڭسىز اينالىمنان 60 كەلىدەن استام ەسىرتكى تاركىلەنگەن، دەپ حابارلايدى اlmaty-akshamy.kz.
وبلىستىق پوليسيا دەپارتامەنتىنىڭ باستىعى، پوليسيا پولكوۆنيگى نۇرحات ورازبايەۆتىڭ ايتۋىنشا، اسا ءىرى كولەمدە ەسىرتكى ساقتاۋدىڭ 17 دەرەگى انىقتالعان.
«پوليسيا قىزمەتكەرلەرى اسا ءىرى كولەمدە ەسىرتكى ساقتاۋعا قاتىستى 17 دەرەكتى انىقتادى. ونىڭ ىشىندە سينتەتيكالىق ەسىرتكى ساقتاۋعا قاتىستى 9 دەرەك بار. ال، ماريحۋانانى زاڭسىز ساقتاۋدىڭ 3 دەرەگى تىركەلدى. وبلىس اۋماعىندا ەسىرتكىنىڭ سينتەتيكالىق تۇرلەرىن جاسىرىپ-تىعۋ ادىسىمەن ساتىپ جۇرگەن ادامداردىڭ باسىم بولىگى – باسقا وڭىرلەردەن كەلگەندەر.
بيىلعى جىل باسىنان تىركەلگەن بۇل ساناتتاعى قىلمىستاردىڭ ىشىندە 8 دەرەك تاراز، قاراعاندى، اقتوبە، سەمەي شىعىس قازاقستان وبلىستارىنان جانە نيگەريا، وزبەكستان، قىرعىزستان رەسپۋبليكالارىنان كەلگەن تۇلعالار تاراپىنان جاسالىپ وتىر. زاڭسىز اينالىمنان جالپى سالماعى 60 كەلىدەن استام ەسىرتكى تاركىلەندى»، - دەپ ءمالىم ەتتى نۇرحات ورازبايەۆ.