كەي وڭىرلەردە نوسەر جاۋىن جاۋادى.
«قازگيدرومەت» رمك قازاقستاننىڭ بىرنەشە وبلىسى بويىنشا كۇن رايىنا بايلانىستى ەسكەرتۋ جاريالادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
6 ناۋرىز كۇنى شىعىس قازاقستان وبلىسىنىڭ سولتۇستىگىندە، شىعىسىندا تۇمان ءتۇسىپ، كوكتايعاق بولۋى ىقتيمال. وسكەمەندە جەل وڭتۇستىك-باتىستان 15-20 م/س جىلدامدىقپەن سەمەيدە 6 ناۋرىزدا جەل وڭتۇستىك-باتىستان 15-20 م/س جىلدامدىقپەن سوعادى.
قوستاناي وبلىسىنىڭ شىعىسىندا جانە ورتالىعىندا تۇمان ءتۇسۋى ىقتيمال. قوستانايدا 6 ناۋرىزدا كوكتايعاق بولادى. وڭتۇستىكتەن سوعاتىن جەل سولتۇستىك-باتىسقا اۋىسادى، جىلدامدىعى 15-20 م/س.
6-8 ناۋرىزدا ىلە الاتاۋىندا، جەتىسۋ الاتاۋىندا 7 ناۋرىز كۇنى كەي ۋاقىتتا نوسەر جاۋىن (جاڭبىر، قار) جاۋادى. 7-8 ناۋرىزدا كەي ۋاقىتتا تۇمان ءتۇسىپ، كوكتايعاق بولۋى ىقتيمال.
قىرعىز الاتاۋىندا 6 ناۋرىز جانە 8 ناۋرىز كۇنى تۇندە، 7 ناۋرىزدا تاۋلىك بويى نوسەر جاڭبىر، قار جاۋادى. كەي ۋاقىتتا تۇمان ءتۇسۋى ىقتيمال. جەل وڭتۇستىك-باتىس باعىتتان سولتۇستىك-شىعىس باعىتقا اۋىسادى، كەي جەرلەردە جىلدامدىعى 15-20 م/س، 6 جانە 7 ناۋرىز كۇندىز ەكپىنى 23-28 م/س.
تالاس الاتاۋىندا 6 ناۋرىزدا كۇندىز نوسەر جاڭبىر، قار جاۋادى.
باتىس التاي، تارباعاتايدا 6 جانە 8 ناۋرىزدا كەي جەرلەردە كوكتايعاق بولادى. 8 ناۋرىزدا كەي جەرلەردە تۇمان تۇسەدى. جەل وڭتۇستىك-باتىس باعىتتان سولتۇستىك-شىعىس باعىتقا اۋىسادى، كەي جەرلەردە جىلدامدىعى 15-20 م/س، 6 ناۋرىزدا ەكپىنى 23-28 م/س.
6 ناۋرىزدا قاراعاندى وبلىسىنىڭ سولتۇستىگىندە، شىعىسىندا تۇمان، كوكتايعاق بولۋى ىقتيمال. قاراعاندىدا 6 ناۋرىزدا وڭتۇستىك-باتىستان جەل سوعادى، كۇشى 15-20 م/س. جەزقازعاندا 6 ناۋرىز كۇنى وڭتۇستىك-باتىستان جەل سوعادى، كۇشى 15-20 م/س كۇتىلەدى. 6 ناۋرىزدا ماڭعىستاۋ وبلىسىنىڭ باتىسىندا، سولتۇستىگىندە كوكتايعاق كۇتىلەدى. وبلىستىڭ ورتالىعىندا شاڭدى داۋىل تۇرۋى ىقتيمال. سولتۇستىك-باتىستان جەل سوعادى، كۇشى 15-20 م/س، وبلىستىڭ باتىسىندا، سولتۇستىگىندە ەكپىنى 23-28 م/س. اقتاۋدا 6 ناۋرىزدا سولتۇستىك-باتىستان جەل سوعادى، كۇشى 15-20 م/س، تۇندە ەكپىنى 23 م/س.
6 ناۋرىزدا اقمولا وبلىسىندا تۇمان تۇسەدى. كوكشەتاۋدا 6 ناۋرىزدا تۇمان ءتۇسىپ، كوكتايعاق بولادى، بۇرقاسىن سوعادى. وڭتۇستىك-باتىستان جەل سوعادى، كۇشى 15-20، ەكپىنى 23 م/س كۇتىلەدى.
6 ناۋرىزدا اتىراۋ وبلىسىنىڭ شىعىسىندا جانە ورتالىعىندا بۇرقاسىن، سولتۇستىگىندە كوكتايعاق بولادى. باتىس، سولتۇستىك-باتىستان جەل سوعادى 15-20 م/س، تۇندە وبلىستىڭ وڭتۇستىگىندە، شىعىسىندا ەكپىنى 23-28 م/س. اتىراۋدا باتىس، سولتۇستىك-باتىستان جەل سوعادى 15-20 م/س، تۇندە ەكپىنى 23 م/س.
6 ناۋرىزدا اقتوبە وبلىسىنىڭ شىعىسىندا، سولتۇستىگىندە جانە ورتالىعىندا جاياۋ بۇرقاسىن سوعۋى ىقتيمال. وبلىستىڭ سولتۇستىگىندە، وڭتۇستىك-شىعىسىندا كوكتايعاق بولادى. وڭتۇستىك-باتىستان، باتىستان جەل سوعادى، ەكپىنى 15-20، تۇندە وبلىستىڭ وڭتۇستىك-باتىسىندا 25 م/س. اقتوبە قالاسىندا 6 ناۋرىزدا كوكتايعاق بولادى. وڭتۇستىك-باتىستان، باتىستان جەل سوعادى، ەكپىنى 15-20 م/س كۇتىلەدى.