مەملەكەت باسشىسىنىڭ تاپسىرماسىن ورىنداۋ ماقساتىندا سىبايلاس جەمقورلىققا قارسى ءىس-قيمىل اگەنتتىگى قوعامدا زاڭدىلىق پەن ءتارتىپ قاعيداتىن قامتاماسىز ەتۋ، سونداي-اق سىبايلاس جەمقورلىق فاكتىلەرىنىڭ جولىن كەسۋ جونىندەگى جۇمىستى جالعاستىرۋدا.
باتىس قازاقستان وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى الماتى قالاسىنىڭ تۇرعىنى ە. بايقوجاعا قاتىستى ۇكىم شىعاردى، دەپ حابارلايدى aqshamnews.kz.
ول «چاپايەۆ – جاڭاقالا – سايحين» اۆتوجولىن كۇردەلى جوندەۋ جونىندەگى شارتتىڭ جالپى سوماسىنىڭ 30% مولشەرىندە الدىن الا تولەم جاساعانى ءۇشىن وبلىس اكىمدىگىنىڭ لاۋازىمدى ادامدارىنا 50 ملن تەڭگە سوماسىندا الاياقتىق جاساعانى جانە كاسىپكەردى پارا بەرۋگە يتەرمەلەگەنى ءۇشىن كىنالى دەپ تانىلدى.
وعان مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمعا ورنالاسۋعا ءومىر بويىنا تىيىم سالا وتىرىپ، 11 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى.
سوت اكتىسى زاڭدى كۇشىنە ەنگەن جوق. كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكستىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى.