تۇلەكتەردىڭ ورتاشا بالى – 68.
ەرەجە بۇزعان 400-دەي تۇلەكتىڭ ۇبت ناتيجەcءى جويىلدى، دەپ حابارلايدى Almaty-akshamy.kz
ۇلتتىق تەستىلەۋ ورتالىعى 396 تۇلەكتىڭ تەست ناتيجەسى جويىلعانىن ءمالىم ەتتى.
ۇبت باستالعالى بەرى 211 مىڭ رەت تەست تاپسىرىلعان. ونىڭ ىشىندە تالاپكەرلەردىڭ 76 پايىزى شەكتى بالل جيناپ وتىر.
تۇلەكتەردىڭ ورتاشا بالى – 68، ال ازىرگە رەسپۋبليكا بويىنشا ەڭ جوعارى بالل – 138. سونداي-اق ۇبت-عا ەرەكشە ءبىلىم بەرۋ قاجەتتىلىگى بار 577 تالاپكەر قاتىستى.
اتاپ ايتقاندا:
سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان 267 تالاپكەر تەست تاپسىرۋ مۇمكىندىگىنەن ايىرىلدى؛
تەستىلەۋ كەزىندە ەرەجەلەردى بۇزعانى ءۇشىن اۋديتوريادان 120 ادام شىعارىلدى؛
بەينەجازبالاردى تەكسەرۋدەن سوڭ ەرەجە بۇزعان 9 ادامنىڭ ناتيجەسى جويىلدى؛
بوگدە تۇلعالار انىقتالعان جوق.
تەستكە قاتىسۋشىلاردىڭ باسىم بولىگى، ياعني 18 پايىزى «ماتەماتيكا-فيزيكا»، 16 پايىزى «بيولوگيا-حيميا» پاندەر كومبيناسياسىن تاپسىردى. تۇلەكتەردىڭ 15 پايىزى «شىعارماشىلىق ەمتيحان» كومبيناسياسىن تاڭداعان.