ۇلىبريتانيالىق دارىگەر ءامىر حان 35 جاستان كەيىن دەنساۋلىقتى ساقتاۋدىڭ بەس ءتيىمدى ءارى تەگىن ءتاسىلىن اتادى، - دەپ حابارلايدى aqshamnews.kz ءتىلشىسى Daily Mirror باسىلىمىنا سىلتەمە جاساپ.
حاننىڭ ايتۋىنشا، ۇزاق ءومىر ءسۇرۋدىڭ باستى قاعيداسى – تاڭەرتەڭ سەرۋەندەۋدى ادەتكە اينالدىرۋ. ونىڭ سوزىنشە، كۇن ساۋلەسى سيركاد ىرعاعىنىڭ دۇرىس جۇمىس ىستەۋىنە كومەكتەسەدى، كورتيزول دەڭگەيىن تومەندەتەدى، قۋات بەرەدى جانە تابەت پەن توق جۇرۋگە جاۋاپتى گورمونداردىڭ دەڭگەيىن تۇراقتاندىرادى.
دارىگەر ايتقان ەكىنشى تەگىن پايدالى ءتاسىل جاسۋشالاردى وتتەگىمەن جاقسىراق قامتاماسىز ەتۋگە باعىتتالعان. ماماننىڭ تۇسىندىرۋىنشە، جاسى ۇلعايعان سايىن اعزا وتتەگىنى بۇرىنعىداي ءتيىمدى پايدالانا بەرمەيدى، سول سەبەپتى تىندەر وسى ماڭىزدى رەسۋرستى تولىق الا الماي قالۋى مۇمكىن. مۇنى جوعارى قارقىندى قىسقا جاتتىعۋلارمەن تۇزەتۋگە بولادى. حاننىڭ ايتۋىنشا، 35 جاستان اسقاندارعا سپورتزالعا بارىپ، ابدەن شارشاپ جاتتىعۋدىڭ قاجەتى جوق، كۇنى بويى بىر-ەكى رەت باسپالداقپەن جوعارى جۇگىرىپ شىعۋدىڭ نەمەسە توبەگە قاراي جىلدام كوتەرىلۋىنىڭ ءوزى جەتكىلىكتى.
"ماڭىزدىسى – 20–40 سەكۋند بويى جۇرەگىڭىزدىڭ بەلسەندى جۇمىس ىستەگەنىن سەزىنۋ"، – دەپ كەڭەس بەردى دارىگەر.
بۇدان بولەك، حان 35 جاستان كەيىن مەزگىل-مەزگىل ارتەريالىق قان قىسىمىن ولشەپ تۇرۋدى جانە بۋىندار مەن سۇيەكتەردىڭ ساۋلىعىن ساقتاۋ ءۇشىن فيزيكالىق بەلسەندىلىكتى ارتتىرۋدى ۇسىندى.
"ءتىسىڭىزدى ءبىر اياقپەن تۇرىپ جۋدى ادەتكە اينالدىرىڭىز. بۇل قاراپايىم جاتتىعۋ قارتايعاندا تەپە-تەڭدىكتى جاقسى ۇستاۋعا كومەكتەسەدى"، – دەدى ول.