«ALMATY AQSHAMY» – 35 «اقشام» ارداگەرلەرى
وسى عۇمىرىندا مادەنيەت پەن ادەبيەتتىڭ، ءبىلىم مەن عىلىمنىڭ جانە بيزنەستىڭ ورتالىعىنا اينالعان ەلىمىزدىڭ اسەم دە الىپ شاھارىنىڭ تىنىس-تىرشىلىگىن كورسەتۋدە، ءىرى قالادا اتقارىلىپ جاتقان ىرگەلى ىستەردى دارىپتەۋدە «الماتى اقشامى» ءبىرقاتار يگى شارالاردى جۇزەگە اسىرىپ كەلەدى. «الماتى اقشامى» گازەتى ەڭ الدىمەن ۇلتتىق ءداستۇرىمىزدى الىپ كەلدى. قالانىڭ جاڭالىعىن، قوعامداعى ءىرىلى-ۋاقتىلى ماڭىزدى شارالاردى انا تىلىمىزدە جەتكىزدى. بۇل، اسىرەسە، اۋىلدان كەلگەن قوناقتارعا، وقۋ ىزدەپ كەلگەن جاستارعا وتە قولايلى بولدى. قاجەتتى انىقتامالاردى «الماتى اقشامىنان» تاۋىپ الىپ وتىردى.
مەن وسى باسىلىمدا 2007 جىلدان زەينەتكەرلىككە شىققانىمشا – 2013 جىلدىڭ سوڭىنا دەيىن قىزمەت ەتتىم. زەينەتكە شىققاننان كەيىن اۆتور رەتىندە كۇنى بۇگىنگە دەيىن ەڭبەك ەتىپ كەلەمىن. ءقازىر الماتى ابدەن ۇلكەيگەن، تىرشىلىگى دامىعان مەگاپوليس. كۇن سايىن قانشا قۇرىلىس جۇمىستارى، ءتۇرلى شارالار اتقارىلىپ جاتادى. ادەبيەت تە، مادەنيەت تە، بيزنەس پەن ءبىلىم وردالارى دا وسىندا. سولاردا كۇندەلىكتى بولىپ جاتقان سان سالالى جاڭالىقتار «الماتى اقشامىنىڭ» بەتىنەن ءوز ورنىن تاۋىپ جاتادى.
ايتايىن دەگەنىم، سوڭعى جىلدارى تۇركىستان وبلىسى، ونىڭ بەر جاعىندا الماتى، جەتىسۋ، ۇلىتاۋ جانە سەمەي وبلىستارى اشىلدى. ەلىمىزدىڭ ايماعى كوبەيدى، تىنىسى كەڭەيدى. مىنە، ءبىزدىڭ «الماتى اقشامى» گازەتىمىزدىڭ 35 جىلدىعى وسىنداي ايشىقتى دا ماڭىزدى وقيعالار ورىن الىپ وتىرعان كەزگە ساي كەلىپ وتىر. باسىلىم جۋرناليستەرى شاھاردىڭ شەڭبەرىمەن شەكتەلىپ قالماي، اتالمىش ايماقتاردىڭ دا جاڭالىقتارىن جارىسا جازسا، جەتىستىكتەردى كوبىرەك قامتىسا، قانداي كەرەمەت بولار ەدى. ەلىمىزدىڭ ءاربىر ءوڭىرى وڭتۇستىك استانا اتالىپ جۇرگەن الماتىنىڭ جاڭالىق-جەتىستىگىن بىلۋگە قۇشتار. قالا كوشەلەرىنە جاڭا ەسىمدەر بەرىلىپ جاتىر. ءبارى دە قازاققا، ونىڭ مەملەكەتتىگى مەن تاۋەلسىزدىگىنە قىزمەت ەتكەن تۇلعالار. ءبىراق ولاردىڭ كىم ەكەنىنەن قازىرگى جاستار حابارسىز. كوشەلەردىڭ باستالار جەرىندە جيىندار، كەزدەسۋلەر وتكىزىپ، كوشەگە ەسىمى بەرىلگەن ازاماتتىڭ كىم ەكەنى، قانداي پايدالى ىستەر اتقارعانى جونىندە ءتۇسىندىرۋ جۇمىستارى جۇرگىزىلدى. مىسالى، مەدەۋ اقساقالدى الايىق. ول كىم ەدى؟ العاشقى المانىڭ جاڭا ءتۇرىن – اپورتتى شىعارعان، قيىن جاعدايدا قالا تۇرعىندارىنا بولىسقان تۇرمىستى ادام بولعان.
سول سياقتى، قالي ەسىمدى مەسەناتتى الايىق. قالي قاروي شاتقالىندا 12 مىڭ باس قوي ورگىزدى، قىستاۋدا بىرنەشە قورا سالدىرىپ، ءتىپتى ۆەرنىيدىڭ وزىندە ۇلكەن اۋلەتى بار ءۇيى بولدى. ونىڭ تۋعان قىزى قازاقستان رەسپۋبليكاسىنىڭ حالىق ءارتىسى گۇلجاھان عالييەۆا الماتىدا «گۇلدەر» ءانسامبلىن قۇردى. قالي ورتا ازيا، ءسىبىر مەن ورىنبور اراسىندا قويمەن ساۋدانى كەڭىنەن جولعا قويدى. جىل سايىن ۆەرنىيدا (الماتىدا) قازاق وتباسىلارىنىڭ باسىن قوسىپ تەگىن قوي تاراتىپ وتىرعان، ءسويتىپ الماتىدا جەرگىلىكتى تۇرعىنداردىڭ تۇراقتانۋىنا جول اشقان قازاق. وسى وتە ماڭىزدى تاريحتى ءبىز «الماتى اقشامى» باسىلىمىنان وقىپ بىلدىك.
«الماتى اقشامى» تۇلعالاردى ەلىنە، جەرىنە قاراپ الالامايتىن، قازاق مەملەكەتى مەن قازاق حالقى ءۇشىن توككەن تەرىنە، ەرەن ەڭبەگىنە قاراپ باعالايتىن باسىلىم. «ءبىرىڭدى قازاق، ءبىرىڭ دوس، كورمەسەڭ ءىستىڭ ءبارى بوس» دەگەن ۇلى ابايدىڭ ءسوزىن ۇستانعان باسىلىم. سونىسىمەن دە تاريحى ۇزاق ءبىراز باسىلىمنان باعالى. نەبارى 35 جاسقا كەلگەن «اقشامعا»، ونىڭ ۇجىمىنا ۇزاق عۇمىر تىلەپ، بۇرىننان كەلە جاتقان يگى ىستەر، باعالى باستامالار جالعاسىن تابا بەرسىن، باعىتتارىڭنان اينىماڭدار دەگىم كەلەدى.