30 ءساۋىر كۇنى ساعات 17:00 – 22:00 دەيىن العاش رەت 10 رەسپۋبليكالىق تەلەارنانىڭ تىكەلەي ەفيرىندە «ءبىز بىرگەمىز» جالپىۇلتتىق تەلەمارافونى وتەدى، دەپ حابارلايدى Almaty-akshamy.kz
تەلەمارافوننىڭ باستى كەيىپكەرلەرى – تابيعي اپات كەزەڭىندە باتىلدىق تانىتىپ، ءوز ءومىرى مەن دەنساۋلىعىن قاۋىپ-قاتەرگە تىگە وتىرىپ قىزمەتى مەن ازاماتتىق بورىشىن ابىرويمەن اتقارعان قازاقستاندىقتار.
ولاردىڭ قاتارىندا قۇتقارۋشىلار، مەديسينا قىزمەتكەرلەرى، اسكەري قىزمەتشىلەر، ەرىكتىلەر، كاسىپكەرلەر مەن سىن ساعاتتا جۇدىرىقتاي جۇمىلىپ، ىنتىماق پەن بىرلىكتىڭ ۇلگىسىن تانىتقان ەل تۇرعىندارى بار.
«Jibek Joly»،«Qazaqstan»، «حابار»،«ەۋرازيا»، «كتك»، «31 ارنا»، «Atameken Business»، «Astana TV»، «7 ارنا» جانە «Almaty TV» تەلەارنالارىنىڭ 5 ساعاتتىق تىكەلەي ەفيرىندە تاسقىن باسقان اۋماقتى كوزبەن كورىپ، تابيعي اپاتتان زارداپ شەككەن تۇرعىندارىنىڭ جان تەبىرەنتەر وقيعالارى، تابيعي اپات ايماقتارىنان رەپورتاجدار بەرىلەدى.
شارانىڭ ونلاين ترانسلياسياسى Jibek Joly ەفيرىندە، سونداي-اق YouTube جەلىسىندە جۇرگىزىلەدى.