دارىگەرلەر كۇنىنە ونداعان ناۋقاستى تەكسەرەدى
23 مامىردا ەلىمىزدىڭ وڭىرلەرىندەگى شالعاي جاتقان ستانسيالار مەن رازەز تۇرعىندارىنا مەديسينالىق قىزمەت كورسەتۋ ءۇشىن ارنايى پويىزدار جولعا شىعادى، دەپ حابارلايدى Almaty-akshamy.kz «قازاقستان تەمىر جولى» ۇق» اكسيونەرلىك قوعامىنىڭ باسپا ءسوز قىزمەتىنە سىلتەمە جاساپ.
باسپا ءسوز مالىمەتىنە قاراعاندا، دارىگەرلەر شالعايداعى ستانسيالار مەن وعان جاقىن ماڭداعى كەنتتەردىڭ تۇرعىندارىنا العاشقى مەديسينالىق-سانيتاريالىق جانە كونسۋلتاسيالىق-دياگنوستيكالىق كومەك كورسەتەدى. مەدبريگادالار قۇرامىندا تەراپيەۆت، پەدياتر، لور، كارديولوگ، وفتالمولوگ، ستوماتولوگ جانە ت.ب. ماماندار بار. پويىزدار 13000 كم-دەن استام قاشىقتىقتى ءجۇرىپ ءوتىپ، شالعاي ورنالاسقان تولتىر، افاناسيەۆو، بەگىمبەت، نيكەلتاۋ سياقتى ستانسيالار مەن رازەزدەرگە بارادى. بيىل 200-گە جۋىق ستانسيا مەن رازەزدى قامتۋ جوسپارلانىپ وتىر. «مەديسينالىق پويىزدار» جوباسىن جۇزەگە اسىرۋداعى ماقسات ازاماتتاردىڭ دەنساۋلىعىنا دەگەن قامقورلىق، ەلىمىزدىڭ ورتالىقتان شالعاي ورنالاسقان ايماقتارىنداعى تۇرعىندارىن دا تەگىن مەديسينالىق قىزمەتتەرمەن قامتاماسىز ەتۋ. «جاردەم» جانە «سالاماتتى قازاقستان» مەديسينالىق پويىزدارى ارنايى جابدىقتالعان 8 مامانداندىرىلعان ۆاگوننان تۇرادى. دارىگەرلەر كۇنىنە ونداعان ناۋقاستى تەكسەرەدى.
مەديسينالىق پويىزدار جۇمىس ىستەپ تۇرعان ستانسياعا بىلىكتى مامانداردىڭ تەكسەرۋىنەن ءوتۋ ءۇشىن وزگە ەلدى مەكەندەردەن دە تۇرعىندار كەلەدى»،-دەلىنگەن «قازاقستان تەمىر جولى» ۇك» اق باسپا ءسوز قىزمەتى تاراتقان اقپاراتتا.
«دارىگەرلەردىڭ ايتۋىنشا، «مەديسينالىق پويىزدار» جوباسى حالىق ءۇشىن ماڭىزدى. ويتكەنى ول تۇرعىندارعا ساپالى مەديسينالىق كومەك الۋعا مۇمكىندىك بەرەدى.