شىعىس قازاقستان وبلىسىندا سەل تاسقىنى جانە لاي كوشكىنى ءقاۋپى بار كەزەڭ باستالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
شقو توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وڭىردە 146 مۇزدىق كولدەن سەل ءقاۋپى بار. ونىڭ 98ء-ى كاتونقاراعاي اۋدانىندا، 16-ى زايسان قالاسىندا، 2ء-ۋى ءۇرجار اۋدانىندا جانە 30-ى ريددەر قالاسىندا ورنالاسقان. ولار 13 ەلدى مەكەنگە ءقاۋپى بار (زايسان قالاسى، سارىتەرەك، كاتونقاراعاي، ارشاتى، ورەل، بەرەل، كۋتيحا، قازىمبەت، ناۋالى، قاراتوبە، قىزىل كەسىك، تۇعىل جانە ماڭىراق اۋىلدارى) سەل تاسقىنىنىڭ 23 وشاعىن تۋىنداتىپ وتىر. سونداي-اق وبلىستىڭ 4 اۋدانىنداعى 9 وزەندە لاي كوشكىنى ءقاۋپى بار. ءبىراق توعىزى تۇگەلدەي ەلدى مەكەندەرگە ءقاۋىپ ءتوندىرىپ تۇرعان جوق. ريددەر قالاسىنداعى - 1، التاي اۋدانىنداعى - 2، كاتونقاراعاي اۋدانىنداعى - 3 تاسجول ۋچاسكەسىندە جانە «وسكەمەن-التاي» تەمىرجولىندا لاي كوشكىنى ءقاۋپى سەزىلەدى. «سوعان وراي مامىر ايىنىڭ ورتاسىنان شىعىس قازاقستان اۋماعىندا 13 باقىلاۋ بەكەتى جۇمىس ىستەي باستادى.
«قازسەلدەنقورعاۋ» شق فيليالىنىڭ قىزمەتكەرلەرى ون كۇن سايىن سەل جانە لاي كوشكىنى ءقاۋپى بار ۋچاسكەلەرگە تەكسەرۋ جۇرگىزەتىن بولادى. سونداي-اق مۇزدىق كولدەردىڭ جاي-كۇيىنە، گروموتۋحا، بۇقتىرما، اق ۇبە، تۇرعىسىن وزەندەرى باسسەيندەرىنىڭ سەل ءقاۋپى بار ۋچاسكەلەرىنە اۋەدەن بارلاۋ جاسالادى»، - دەلىنگەن اقپاراتتا.