كولىك ينفراقۇرىلىمىن دامىتۋ جانە قازاقستاننىڭ ترانزيتتىك الەۋەتىن نىعايتۋ جونىندەگى پرەزيدەنت تاپسىرمالارىن جۇزەگە اسىرۋ ءىس جۇزىندە ورىنداۋدىڭ بەلسەندى كەزەڭىنە ءوتتى. بۇل تۋرالى ق ر كولىك ۆيسە-مينيسترى جانىبەك تايجانوۆ مالىمدەدى، - دەپ حابارلايدى Aqshamnews.kz.
2025 جىلدىڭ قورىتىندىسى بويىنشا تەمىرجول سالاسى رەكوردتىق كورسەتكىشكە قول جەتكىزدى: تاسىمالداۋ كولەمى شامامەن 318 ملن تونناعا جەتتى، بۇل سالانىڭ تۇراقتى ءوسىپ كەلە جاتقانىن راستايدى. 2026 جىلى تاسىمال كولەمى 327 ملن توننانى قۇرايدى دەپ بولجانىپ وتىر. بۇل رەتتە ترانزيتتىك تاسىمال جىل سايىنعى تۇراقتى ءوسىمدى 20% دەڭگەيىندە كورسەتەدى.
ەلىمىزدىڭ تولىققاندى تەمىرجول قاڭقاسىن قالىپتاستىرۋ جۇمىستارى جالعاسۋدا. بيىل "دوستىق – مويىنتى" جانە "الماتى ايناالما جولى" سياقتى ءىرى جوبالار اياقتالدى، ولاردىڭ جالپى ۇزىندىعى – 911 شاقىرىم. بۇل جەلىنىڭ وتكىزۋ قابىلەتىن 5 ەسەگە ارتتىرۋعا جانە ترانزيتتىك تاسىمالداردى جەدەلدەتۋگە مۇمكىندىك بەردى. كەلەسى جىلى "قىزىلجار – مويىنتى" جانە "داربازا – ماقتاارال" ۋچاسكەلەرىندە ستراتەگيالىق قۇرىلىس جوبالارى، سونداي-اق "التىنكول – جەتىگەن" جانە "بەينەۋ – ماڭعىستاۋ" باعىتتارىن جاڭعىرتۋ جۇمىستارى اياقتالادى، - دەپ اتاپ ءوتتى ۆيسە-مينيستر.بۇعان قوسىمشا پويىزداردى رەتتەۋدىڭ زاماناۋي جۇيەلەرى ەنگىزىلۋدە، بۇل تەمىرجولداردىڭ قوزعالىس قاۋىپسىزدىگى مەن وتكىزۋ قابىلەتىن تىكەلەي ارتتىرادى. تەمىرجولداردى كۇردەلى جوندەۋ جالعاسۋدا، 2025 جىلى 1،5 مىڭ شاقىرىم جول جوندەلدى، ال 2026 جىلى 1،6 مىڭ شاقىرىم جوندەۋ جوسپارلانعان.
ودان بولەك 236 لوكوموتيۆ، 1،4 مىڭنان استام جۇك جانە زاماناۋي 191 جولاۋشىلار ۆاگونىن جەتكىزۋ جوسپارلانۋدا. بۇل كولىك قىزمەتتەرىنىڭ سەنىمدىلىگى مەن ساپاسىن ايتارلىقتاي جاقسارتادى. حالىقارالىق كولىك دالىزدەرى دە قارقىندى دامىپ كەلەدى. ولار – ترانسكاسپيي حالىقارالىق كولىك باعىتى (تحكب) جانە سولتۇستىك – وڭتۇستىك باعىتتارى. تحكب-نىڭ وتكىزۋ قابىلەتىن ارتتىرۋ شەڭبەرىندە پورتتار ينفراقۇرىلىمىن جاڭعىرتۋ جوبالارى جۇزەگە اسىرىلۋدا، ماسەلەن، وتاندىق ساۋدا فلوتى 4 پاروممەن تولىقتىرىلادى. 2026 جىلى كونتەينەرلەر تاسىمالى كولەمىن 90 مىڭ جپە-گە دەيىن جەتكىزۋ جوسپارلانۋدا.
كەلەسى جىلى سولتۇستىك – وڭتۇستىك ءدالىزى بويىنشا ەلدىڭ باتىس وڭىرىندەگى تەمىرجول ۋچاسكەلەرىن جاڭعىرتۋ اياقتالادى. پرەزيدەنت تاپسىرمالارى اياسىندا ەلىمىزدە ۆوكزالداردى جاڭعىرتۋدىڭ اۋقىمدى باعدارلاماسى جۇزەگە اسىرىلۋدا. جۇمىستار كەزەڭ-كەزەڭىمەن جۇرگىزىلۋدە جانە 2026 جىلى اياقتالادى.
وسىلايشا، 2026 جىل قازاقستاننىڭ زاماناۋي ءارى ورنىقتى، باسەكەگە قابىلەتتى كولىك جۇيەسىن قالىپتاستىراتىن نەگىزگى ينفراقۇرىلىمدىق جوبالارىنىڭ اياقتالىپ، ءىس جۇزىندە جەمىسىن بەرە باستاعان كەزەڭى بولادى،— دەپ اتاپ ءوتتى جانىبەك تايجانوۆ.