2026 جىل - جىلقى جىلى. نۋمەرولوگ قۇرالاي باقىت Jibek Joly تەلەارناسىنىڭ "Bugin LIVE" باعدارلاماسىندا بۇل جىل قوعامعا دا، ادام ومىرىنە دە تىڭ سەرپىن اكەلۋى مۇمكىن ەكەنىن ايتتى.
ماماننىڭ سوزىنشە، 2026 جىلدىڭ سانى - 1. ال "1" جاڭا باستامانى، العا قادام باسۋدى، قوزعالىستى بىلدىرەدى. سوندىقتان كەلەسى جىلى ادامدار تاۋەكەلگە جيىرەك بارىپ، شەشىمدى تەز قابىلداۋعا بەيىم بولادى. نۋمەرولوگ 2026 جىلدى شارتتى تۇردە عىلىم، سپورت جانە IT سالالارىنىڭ جىلى دەۋگە بولاتىنىن اتاپ ءوتتى: اۆتوماتتاندىرۋ، جاساندى ينتەللەكت، لوگيكاعا نەگىزدەلگەن باعىتتار قارقىن الىپ داميدى.
سونىمەن قاتار، قۇرالاي باقىت 2026 جىلدىڭ ستيحياسى وت ەكەنىن ايتتى. بۇل - جىلدامدىق پەن ءىرى وزگەرىستەردىڭ بەلگىسى. سول سەبەپتى الەمدە دە، قازاقستاندا دا ءتۇرلى ۇدەرىستەر شيراق ءارى قارقىندى ءجۇرۋى ىقتيمال. ەگەر 2025 جىلى شىعارماشىلىق پەن شوۋ-بيزنەس بەلسەندى بولسا، 2026 جىلى سپورت پەن دەنساۋلىق الدىڭعى ورىنعا شىعادى.
نۋمەرولوگتىڭ پىكىرىنشە، كوپشىلىك دۇرىس تاماقتانۋعا، سپورتقا، جالپى دەنساۋلىققا كوبىرەك ءمان بەرە باستايدى - بۇل جىلدىڭ باستى پليۋستارىنىڭ ءبىرى.
ول جىلدىڭ ەكىنشى جارتىسى وتباسى قۇرۋعا قولايلى ەكەنىن، ال العاشقى ايلاردا اسىعىس شەشىم قابىلداماۋ كەرەگىن ەسكەرتتى.
بويداقتار ءۇشىن 2026 جىل جەكە ومىردە جاعىمدى وزگەرىستەر اكەلۋى مۇمكىن.
ايلار بويىنشا بولجامى دا بار:
قاڭتار–اقپان - مەديسينالىق تەكسەرۋدەن وتۋگە ىڭعايلى؛
ناۋرىز، ءساۋىر، تامىز - ءۇي الۋعا قولايلى كەزەڭ؛
مامىر - ءبىلىم مەن وقۋعا ينۆەستيسيا سالۋعا جاقسى ۋاقىت.
تۋعان جىلدارىنىڭ سوڭعى سانىنا قاراي نۋمەرولوگ مىناداي جورامال ۇسىندى:
6–7-مەن اياقتالاتىن جىلدارى تۋعاندار ءۇشىن ماحاببات، وتباسى جانە مانساپ ۇيلەسىم تابادى؛
2–3-پەن اياقتالاتىندار ءۇشىن تابىس ارتىپ، ءىرى ساتىپ الۋلار جاساۋعا قولايلى؛
0–1-مەن اياقتالاتىندار ءۇشىن رۋحاني ىزدەنىس كۇشەيىپ، دەنساۋلىققا كوبىرەك كوڭىل ءبولۋ قاجەت؛
4–5-پەن اياقتالاتىندار ءۇشىن قوزعالىس، ساپار كوبەيەدى؛
8–9-بەن اياقتالاتىندار ءۇشىن جاڭا باستامالارعا جول اشىلادى.
قۇرالاي باقىتتىڭ ايتۋىنشا، 2026 جىلدىڭ ءتۇسى دە وت ستيحياسىنا ساي - قىزىل.