بۇل اشتىق پەن كوپ ادامنىڭ ولىمىنە اكەلەدى.
الەۋمەتتىك جەلىدە 2025 جىلى اپاتتى ينفەكسيانىڭ پايدا بولاتىنى بولجاندى دەگەن اقپارات تارادى، دەپ حابارلايدى Almaty-akshamy.kz
Stopfake.kzء-تىڭ جازۋىنشا، بۇل وتىرىك.
بىرىنشىدەن، اۆتور ەشقانداي ناقتى اقپارات كوزدەرىن اتامايدى. ءبىراق 2024 جىلدىڭ قازان ايىنان 2025 جىلدىڭ قازان ايىنا دەيىن الەمدە اشتىق پەن جاپپاي ءولىم بولادى تۇر دەپ مالىمدەيدى. ول كەزدە «ح اۋرۋى» تارايدى ەكەن.
«ح اۋرۋى» تەرمينىن دۇنيەجۇزىلىك دەنساۋلىق ساقتاۋ ۇيىمى 2018 جىلى ەنگىزدى. بۇل مۇلدەم ينفەكسيا ەمەس. عالىمدار بولاشاقتا ەپيدەمياعا اكەلۋى مۇمكىن بەلگىسىز اۋرۋدى وسىلاي اتايدى. بۇعان دەيىن، 2015 جىلى ددسۇ پاندەميا تۋدىرۋى ىقتيمال باسىم قوزدىرعىشتاردىڭ ءتىزىمىن جاسادى. ءتىزىم تۇراقتى ەمەس، ول جاڭارتىلىپ وتىرادى. The Guardian باسىلىمىنىڭ حابارلاۋىنشا، ۇلىبريتانيادا ۆاكسينالاردى زەرتتەۋ ورتالىعى اشىلدى. وندا جانۋارلاردىڭ ۆيرۋستارىن زەرتتەپ، يممۋنداۋدى كۇشەيتۋ قاجەت ايماقتار انىقتالىپ، «ح اۋرۋىنا» دايىندىق جۇرگىزىلەدى. مۇنداي زەرتحانانى قۇرۋ «100 كۇندىك ميسسيا» جوباسىنا كىرەدى. عالىمدار 100 كۇندە ح اۋرۋىن ءتيىمدى جەڭە الاتىن ءقاۋىپسىز ۆاكسينا جاساۋ ۇستىندە.
حابارلاما اۆتورلارى دۇنيەجۇزىلىك ەكونوميكالىق فورۋمدى دا مىسال رەتىندە كەلتىرەدى. بۇل ۇيىم 2025 جىلعا قاراي بولاتىن اپاتتى ينفەكسيانى مودەلدەگەن ەكەن. بۇل تۋرالى دەف-تىڭ رەسمي سايتىندا دا، الەۋمەتتىك جەلىلەرىندە دە اقپارات جوق.
2023 جىلدىڭ ساۋىرىندە 2025 جىلى پاندەميانىڭ باستالۋىنا سەبەپ بولاتىن SEERS ۆيرۋسى جاسالدى دەگەن جالعان اقپارات تارادى. AP فاكچەكەرلەرى بۇل وقۋ-جاتتىعۋلارى بولعانىن انىقتادى. ونى 2022 جىلدىڭ قازان ايىندا دجونس حوپكينس ورتالىعى ددسۇ جانە گەيتس وتباسىلىق قورىمەن بىرلەسىپ ۇيىمداستىرعان.
«اپاتتى اۋرۋ جۇقتىرۋ» جاتتىعۋلارىندا بولاشاق پاندەميامەن كۇرەس شارالارى مەن وعان دايىندىق پىسىقتالدى.
سونداي-اق، جاريالانىمدا Deagel سايتىنىڭ بولجامى تۋرالى ايتىلادى. 2025 جىلى پلانەتا حالقى ازايادى ەكەن. Deagel پلاتفورماسىندا ءارتۇرلى ەلدەردىڭ اۋە-عارىش كۇشتەرى تۋرالى اقپارات بار. مۇندا وسى تاقىرىپتاعى جاڭالىقتار شىعادى، سايت ەشقانداي بولجام جاسامايدى.
وسىلايشا، 2025 جىلى الەمدە جوسپارلانعان ينفەكسيا تاراپ، اشتىق پەن جاپپاي ءولىم بولاتىنىنا دالەل جوق.