قازىرگى تاڭدا 82 كوشەنىڭ اتاۋى جوق.
بۇگىن الماتى قالاسى اكىمىنىڭ م.ا. ەربولات دوسايەۆ تۇركسىب اۋدانى تۇرعىندارىمەن كەزدەستى، دەپ حابارلايدى Almaty-akshamy.kz.
كەزدەسۋدە ە.دوسايەۆقا «قايرات» شاعىناۋدانىندا كوپتەگەن كوشەلەردىڭ اتاۋى جوق. سوعان اتاۋ بەرىلە مە؟» دەگەن سۇراق قويىلدى.
وعان الماتى اكىمىنىڭ م.ا ەربولات دوسايەۆ:
«تۇركسىب اۋدانىندا 82 كوشەدە اتاۋ جوق. كەلەسى جىلى قاڭتار ايىنان باستاپ ونوماستيكالىق كوميسسيامەن كەلىسىپ، اتاۋسىز كوشەلەرگە كورنەكتى تۇلعالاردىڭ ەسىمىن بەرۋ ماسەلەسىن قاراستىرامىز»، - دەپ جاۋاپ بەردى.