«پاراسات» تۇرعىن ءۇيى كەشەنى مەن رىسقۇلوۆ داڭعىلىنىڭ قيىلىسىندا جەرۇستى وتكەلى سالىنادى

- «پاراسات» تك مەن رىسقۇلوۆ داڭعىلىنىڭ قيىلىسىندا جەرۇستى وتكەلىنىڭ  جوبالاۋ-سمەتالىق قۇجاتتاماسىن ازىرلەدىك، - دەدى الماتى قالاسى اكىمىنىڭ م.ا. ە.ا. دوسايەۆ تۇركسىب اۋدانىنىڭ تۇرعىندارىمەن كەزدەسۋىندە.

سۇراق:
- مەن «قايرات» شاعىناۋدانىندا ورنالاسقان «پاراسات» تۇرعىن ءۇيى كەشەنىنىڭ 2400 تۇرعىنى اتىنان كەلىپ وتىرمىن. ءۇش جىلدان بەرى قاراستىرىلىپ كەلە جاتقان اسپالى كوپىر تۋرالى سۇراعىم كەلەدى. سەبەبى ءبىز ماگيسترالدى رىسقۇلوۆ كوشەسىمەن وتەمىز. جاياۋ جۇرگىنشىلەر وتكەلىنەن ءوتۋ ءۇشىن 600-700 مەتر ءجۇرىپ، ودان كەيىن ايالداماعا دەيىن قايتادان كەرى جۇرۋگە تۋرا كەلەدى. ءقازىر قىس ۋاقىتى، وتە قيىن. بالاسى بار انالارعا وتە ءتيىمسىز. وسى ماسەلەنى قاراستىرۋلارىڭىزدى سۇرايمىن.

الماتى قالاسى قالالىق موبيلدىلىك باسقارماسى باسشىسىنىڭ مىندەتتەرىن ۋاقىتشا اتقارۋشى ەرنۇر ابجاحان جاۋاپ بەردى:
- شىنىمەن بۇل جەردە ۇلكەن ماسەلە بار. رىسقۇلوۆ كوشەسى ماگيسترالدى كوشە بولىپ سانالادى. «پاراسات» تك مەن رىسقۇلوۆ داڭعىلىنىڭ قيىلىسىندا جەرۇستى وتكەلىنىڭ  جوبالاۋ-سمەتالىق قۇجاتتاماسىن ازىرلەدىك. وتكەلدى سالۋ كەلەسى جىلدىڭ جوسپارىندا قاراستىرىلعان. ءقازىر كونكۋرستىق راسىمدەر جۇرگىزىلىپ جاتىر. مەردىگەر ۇيىم انىقتالعاننان كەيىن قۇرىلىس جۇمىستارى باستالادى.