27 جاڭا وستانوۆكا كونسترۋكسياسىن ورناتۋ جۇمىستارى اياقتالدى.
الماتى اكىمى مىندەتىن اتقارۋشى ەربولات دوسايەۆ قاراشانىڭ 30 كۇنى تۇركسىب اۋدانى حالقىمەن كەزدەسۋ بارىسىندا اتقارىلعان جۇمىستار جايىندا اتتى، دەپ حابارلايدى Almaty-akshamy.kz.
«وسى جىلدىڭ قىركۇيەك ايىندا وتكەن كەزدەسۋ بارىسىندا قايرات شاعىن اۋدانىنىڭ تۇرعىندارى سۇلۋشاش، كورىمدىك، سىبىزعى كوشەلەرىندەگى جولداردى جوندەۋ تۋرالى ءوتىنىش ءبىلدىردى. بۇگىندە ولار بويىنشا جۇمىستار اياقتالدى، 2،5 كم جولعا اسفالت توسەلدى.سونىمەن قاتار، اۋداندا ۇزىندىعى 9 كم بولاتىن 17 كوشە جوندەلىپ، جالپى اۋدانى 20 مىڭ كۆ. مەتر 89 كوشەگە اعىمداعى جوندەۋ جۇرگىزىلدى.تۇرعىنداردىڭ ءجۇرىپ-تۇرۋىنا ىڭعايلى بولۋ ءۇشىن 11 كوشەگە ۇزىندىعى 9 كم تروتۋار سالىندى جانە جوندەلدى.2023 جىلى ۇزىندىعى 42 كم بولاتىن 31 كوشەگە قوسىمشا جوندەۋ جۇرگىزىلىپ، تاعى 35 كوشەگە – 27 كم تروتۋار سالىنادى»، - دەدى ەربولات دوسايەۆ.
سونىمەن قاتار اكىم قىزمەتىن اتقارۋى ەربولات دوسايەۆ حمەلنيسكيي كوشەسىنەن تالعار تراكتىنە دەيىنگى كوشەنى ۇزارتىپ سالۋعا جوبالاۋ-سمەتالىق قۇجاتتاما ازىرلەنىپ ەاتقانىن ايتتى. اياقتالۋ مەرزىمى 2023 جىلدىڭ سوڭىنا دەيىن. قۇرىلىس-مونتاجداۋ جۇمىستارى 2024-2025 جىلدارى جۇرگىزىلەتىن بولادى.
«ماگيسترالدى جولدار ارقىلى ءوتۋ ىڭعايلى بولۋ ءۇشىن ب. حمەلنيسكيي، ە. بەكماحانوۆ، ءسۇيىنباي جانە لاۆرەنيەۆ كوشەلەرىندە 11 رەتتەلەتىن سۆەتوفور جانە سەيفۋللين داڭعىلىندا، شەمياكين، پاپانين جانە جۇمابايەۆ كوشەلەرىندە 5 سۆەتوفور ىسكە قوسىلدى. سونداي-اق، تۇركسىب اۋدانىنىڭ اۋماعىندا قاۋىپسىزدىكتى قامتاماسىز ەتۋ ءۇشىن وسى جىلدىڭ قاراشا ايىنان باستاپ 174 ادرەستە 322 بەينەباقىلاۋ كامەراسىن ورناتۋ جۇمىستارى باستالدى. جۇمىستار 2022 جىلدىڭ جەلتوقسان ايىنىڭ سوڭىنا دەيىن اياقتالادى». –دەدى ەربولات دوسايەۆ.
سونىمەن بىرگە قالا باسشىلىعى 2023 جىلدىڭ ءساۋىر ايىندا 96 ادرەسكە 448 «سەرگەك» كامەراسىن وندىرىستىك پايدالانۋ ماقساتىندا ىسكە قوسۋدى جوسپارلاپ وتىر.
«وسى جىلدىڭ سوڭىنا دەيىن جەر ۇستىندەگى جاياۋ جۇرگىنشىلەر جۇرەتىن پەرەحودتارداعى كوتەرگىش قۇرىلعىلاردى قالپىنا كەلتىرۋ جۇمىستارى اياقتالادى (مايلين كوشەسى مەن ءسۇيىنباي داڭعىلى بويىندا). ءقازىردىڭ وزىندە ءۆانداليزمنىڭ الدىن الۋ ءۇشىن 30 بەينەباقىلاۋ كامەراسى ورناتىلدى، ونى تۇركسىب اۋدانىنىڭ پوليسياسى كورە الادى. المەرەك، نۇرشاشقان شاعىن اۋداندارىنا جانە اۋداننىڭ 23 كوشەسىنە 27 جاڭا وستانوۆكا كونسترۋكسياسىن ورناتۋ جۇمىستارى اياقتالدى»،- دەدى ەربولات دوسايەۆ.
ونىڭ ايتۋىنشا، كەلەسى جىلى رىسقۇلوۆ داڭعىلىنىڭ بويىنداعى (پاراسات تۇرعىن ءۇي كەشەنى) جانە تەمىرجول ارقىلى (كوسترومسكايا كوشەسىنە شىعاتىن ەرجانوۆ كوشەسىنىڭ بويىنا) 2 جەر ۇستىندەگى جاياۋ جۇرگىنشىلەر وتكەلىن (پروحودىن) سالۋ جوسپارلانعان، جوباسى دايىن، 2022 جىلدىڭ سوڭىنا دەيىن مەملەكەتتىك ساراپتاما قورىتىندىسىن الامىز.
«تۇرعىندارعا قىزمەت كورسەتۋ ساپاسى مەن قولايلىعىن ارتتىرۋ ماقساتىندا №215 مارشرۋت جاس قانات شاعىن اۋدانىنان شۋاقتى شاعىن اۋدانىنا دەيىن ۇزارتىلدى (6،5 كم.)، رەيسكە شىعاتىن اۆتوبۋس سانى 5-تەن 7-گە دەيىن كوبەيدى. سونىمەن قاتار، 4 مارشرۋتتاعى (№8، 36، 69، 138) 39 اۆتوبۋس جاڭارتىلدى»،- دەدى ەربولات دوسايەۆ.