وڭتۇستىك كورەيادا بولعان ۇشاق اپاتىنىڭ سەبەبى تۋرالى جاڭا مالىمەتتەر جاريالاندى. بيلىك وكىلدەرىنىڭ ايتۋىنشا، ۇشقىش قۇستاردىڭ توبى اۋە كەڭىستىگىندە بايقالعانىن حابارلاعاننان ەكى مينۋت وتكەن سوڭ ديسپەچەرلىك پۋنكتكە قۇسپەن سوقتىعىسقانىن جانە توتەنشە جاعداي بولعانىن ايتتى، دەپ حابارلايدى aqshamnews.kz.
ۇشقىش وقيعا ورىن العاننان كەيىن "اينالما مانيەۆر" جاسايتىنىن، ياعني ءبىرىنشى قونۋ ارەكەتىنەن باس تارتىپ، ەكىنشى قونۋعا دايىندالۋ ءۇشىن اۋەدە اينالاتىنىن مالىمدەگەن. الايدا، ول تولىق اينالىم جاساماي، ءبىر مينۋتتان كەيىن ۇشۋ-قونۋ جولاعىنا جاقىنداي باستاعان. ودان كەيىن ءۇش مينۋت وتكەندە ۇشاق بەتون قۇرىلىسقا سوقتىعىسىپ، جارىلىس بولعان.
كورەيا اۆياسيالىق قاۋىپسىزدىك قاۋىمداستىعىنىڭ ءتوراعاسى حۆان حو ۆون بۇل وقيعاعا قاتىستى: "ەڭ ۇلكەن سۇراق - نەگە ۇشقىش قونۋعا سونشالىقتى اسىقتى؟" دەگەن پىكىر ءبىلدىردى.