«Almaty aqshamۋ» جولاۋشىلاردىڭ سەنىمدى سەرىگىنە اينالدى
پويىز باستىعى وسپانوۆ بەكزات بۇل باستاما جايلى ءوز پىكىرىن بىلاي جەتكىزدى:
«وسى جىلدان باستاپ ءبىزدىڭ ۆاگوندارعا گازەتتەر جەتكىزىلە باستادى. بۇل باستاما جولاۋشىلار اراسىندا ەرەكشە قولداۋ تاپتى. سەبەبى، جولدا گازەت وقۋدى ۇناتاتىندار وتە كوپ. كەيبىر كەزدەرى جولاۋشىلار قوسىمشا گازەتتەر سۇراتىپ جاتادى. گازەت وقۋ ادامنىڭ رۋحاني دامۋىنا اسەر ەتەدى دەپ ويلايمىن. اسىرەسە، قالاداعى جاڭالىقتاردان حاباردار بولىپ وتىرۋ ءۇشىن بۇل وتە پايدالى. گازەتتەگى اقپاراتتاردىڭ شىنايىلىعىنا سەنىمىم مول، سوندىقتان ونى وقيتىن جولاۋشىلار سانىنىڭ ءوسۋى ءبىزدى قۋانتادى».
ايەلدەر ۆاگونىنىڭ جولسەرىگى حودجاباي سانيانىڭ ايتۋىنشا، ەگدە جاستاعى جولاۋشىلار گازەتتەرگە ەرەكشە قىزىعۋشىلىق تانىتادى:
«مەن وسى سالادا سەگىز جىلدان بەرى جۇمىس ىستەپ كەلەمىن. سوڭعى ەكى جىلدا ايەلدەر ۆاگونىندا قىزمەت ەتۋدەمىن. بۇل ۆاگونداردا كوبىنەسە ەگدە جاستاعى انالارىمىز ساپارعا شىعادى. ولاردىڭ گازەت وقىپ، بەلگىلى ءبىر تاقىرىپتاردا ءوزارا تالقىلاۋ جۇرگىزگەنىن ءجيى بايقايمىن. جولدا ينتەرنەتتىڭ تۇراقسىزدىعى گازەت وقۋعا ۋاقىت بولۋگە سەبەپ بولىپ وتىر. بۇل باستاما ءبىز ءۇشىن دە، جولاۋشىلار ءۇشىن دە پايدالى».
جاستار اراسىندا دا گازەت وقۋعا دەگەن قىزىعۋشىلىق جوعارى. ستۋدەنت توپپىش زارينا ءوزىنىڭ وسى باستاماعا وڭ كوزقاراسىن ءبىلدىردى:
«ستۋدەنت بولعاندىقتان پويىزبەن ءجيى جۇرەمىن. مەن جاڭالىقتاردى الەۋمەتتىك جەلىدەن دە، گازەتتەن دە باقىلاپ وتىرامىن. «Almaty aqshamۋ» گازەتى وقۋ ورىندارىنان باستاپ، پويىزدارعا دەيىن ءجيى كەزدەسەدى. اسىرەسە، مادەني جانە سپورتتىق شارالار تۋرالى جاڭالىقتاردى وقىعاندى ۇناتامىن. گازەت تۇرعىندارگا ءوز قالاسى جايلى ماڭىزدى اقپاراتتاردى دەر كەزىندە الۋعا مۇمكىندىك بەرەتىن قۇرال. پويىزدا گازەتتەردىڭ بولۋى جولاۋشىلارعا وي ءتۇيىپ، ۋاقىتتى پايدالى وتكىزۋگە تاماشا جاعداي جاسايدى».
گازەت وكۋگا دەگەن سۇيىسپەنشىلىك ۇلكەن جاستاعى جولاۋشىلار اراسىندا ەرەكشە بايقالادى. زەينەتكەر ازيما جاماشيەۆا پىكىرى دە مۇنى دالەلدەي تۇسەدى:
«مەن پويىزبەن ءجيى قاتىنايمىن، كوبىنەسە ۇزاق جولداردا گازەت وقىعاندى جاقسى كورەمىن. بۇرىن دا «Almaty aqshamy» گازەتىن ۇنەمى الاتىنمىن، ەندى ونى ۆاگونداردا تاراتىپ جاتقانىنا ەرەكشە قۋانامىن. گازەت ارقىلى قالاداعى ماڭىزدى وقيعالاردان حاباردار بولىپ وتىرامىن. جولدا گازەت وقۋ ۋاقىت وتكىزۋ عانا ەمەس، سونداي-اق پايدالى اقپارات الۋدىڭ تاماشا جولى دەپ بىلەمىن. اسىرەسە، جاستاردىڭ گازەتكە قىزىعۋشىلىق تانىتىپ جاتقانى قۋانتارلىق جايت».
جولاۋشىلار اراسىندا گازەتتىڭ ماڭىزدىلىعىن ەرەكشە اتاپ وتەتىندەر كوپ. ولار ءۇشىن گازەت تەك جاڭالىق كوزى گانا ەمەس، سونداي-اق، ءبىلىم مەن رۋحاني بايلىققا اپاراتىن جول. بۇل باستاما الماتىنىڭ تۇرعىندارى مەن قوناقتارىنا قالانىڭ تىنىس-تىرشىلىگىنەن حاباردار بولۋعا مۇمكىندىك بەرىپ، اقپاراتتىق قولجەتىمدىلىكتى ارتتىرۋدا. «جولاۋشىلار تاسىمالى» اق-عا سەرىكتەستىك ءۇشىن العىسىمىزدى بىلدىرەمىز. بىرلەسە وتىرىپ، ءبىز جولاۋشىلارعا ىڭعايلى جاعداي جاساپ، ولاردىڭ ساپارلارىن قىزىقتى ءارى پايدالى ەتۋگە ۇلەس قوسىپ جاتىرمىز.